اقمولالىق ديقاندار ەگىن وراعىنا كىرىستى

None
كوكشەتاۋ. قازاقپارات - اقمولا وبلىسىنىڭ اۋىل شارۋاشىلىعى تاۋار وندىرۋشىلەرى ەگىن جيناۋ جۇمىستارىن باستادى.

بيىلعى جىلى وڭىردە 5,3 ميلليون گەكتار القاپتا اۋىل شارۋاشىلىعى داقىلدارىن جيناۋ جوسپارلانۋدا، دەپ حابارلايدى قازاقپارات وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

«ەگىس القاپتارىنىڭ نەگىزگى بولىگىن ءداندى داقىلدار قۇرايدى - بۇل 4,9 ميلليون گەكتار مايلى داقىلداردى 198 مىڭ گەكتار الاڭدا، جەمشوپ داقىلدارى 223,4 مىڭ گەكتار الاڭدا جيناۋ جۇرگىزىلەدى. 13 مىڭ گەكتاردان استام الاڭنان كارتوپ جانە 2 مىڭ گەكتاردان كوكونىس جيناۋ جوسپارلانۋدا»، - دەدى اۋىل شارۋاشىلىعى جانە جەر قاتىناستارى باسقارماسىنىڭ باسشىسى كەنەش ءالىمجانوۆ.

بۇگىن اقمولا وبلىسىنىڭ بارلىق 20 اۋدانىنىڭ فەرمەرلەرى ەگىن جيناۋعا كىرىستى.

ەگىن وراعى ناۋقانىنا 29 مىڭ استىق جينايتىن كومباين، تراكتور، جۇك اۆتوموبيلدەرى، سونداي-اق 2,6 مىڭ وراق قاتىسادى. بيىل 43,7 ميلليارد تەڭگەگە 1,5 مىڭنان استام اۋىل شارۋاشىلىعى تەحنيكاسى ساتىپ الىندى.

2023-جىلعى 23- تامىزداعى جاعداي بويىنشا 300 مىڭ گەكتاردان استام ءداندى جانە بۇرشاقتى داقىلدار شابىلدى.

ايتا كەتەيىك، اقمولا وبلىسى قازاقستاندا وسىرىلەتىن ءبيدايدىڭ تورتتەن ءبىرىن وندىرەدى. بۇل رەتتە وبلىس استىققا، تۇقىمعا جانە جەمگە دەگەن ىشكى قاجەتتىلىكتى تولىق قامتاماسىز ەتەدى.

ەسكە كەتسەك، بۇدان بۇرىن اقمولا وبلىسىندا كۇزگى ەگىن وراعىنا 7 مىڭعا جۋىق كومباين پايدالانىلاتىنىن جازعان ەدىك.

سوڭعى جاڭالىقتار