ادام جوعالسا نە ىستەۋ كەرەك؟

None
استانا. قازاقپارات – egov.kz پورتالىنداعى مالىمەت بويىنشا، ادام جوعالسا، بىردەن «102» نومىرىنە قوڭىراۋ شالىپ، پوليتسياعا نەمەسە جاقىن جەردەگى بولىمشەگە حابارلاۋىڭىز قاجەت.

سونداي-اق، ونىڭ جوعالعان ساتتەن 3 كۇن وتكەننەن كەيىن پوليتسياعا حابارلاۋ - قاتە ارەكەت. ادامنىڭ جوعالعانىن سەزسەڭىز، بارىنشا جىلدام ارەكەت ەتۋ كەرەك.

ادام جوعالعاندا نە ىستەۋ كەرەك؟

ادام جوعالىپ كەتكەن جاعدايدا، «102» نومىرىنە قوڭىراۋ شالىپ، پوليتسياعا نەمەسە جاقىن جەردەگى بولىمشەگە حابارلاۋىڭىز قاجەت.

پوليتسياعا قاجەت ماڭىزدى قۇجاتتار:

● جوعالعان ادامنىڭ جەكە دەرەكتەرى: اتى، تەگى، اكەسىنىڭ اتى، جاسى، شاشىنىڭ ءتۇسى، مەڭى، تىرتىعى، دەنە اشەكەيى سياقتى ەرەكشە بەلگىلەرى؛

● ادام جوعالعان كەزدەگى قانداي جاعداي بولعانى تۋرالى مالىمەتتەر.

ەگەر بالا جوعالسا، وندا پوليتسياعا مۇمكىندىگىنشە تەزىرەك حابارلاسۋ كەرەك. پوليتسيا ادامنىڭ قاشان جانە قايدا جوعالعانىنا قاراماستان، ءوتىنىشتى دەرەۋ قابىلداۋعا جانە تىركەۋگە مىندەتتى.

مۇنداي ءوتىنىشتى بەرۋ ءۇشىن ۋاقىتشا شەكتەۋلەر جوق.

ادام جوعالىپ كەتكەن ساتتەن باستاپ 3 كۇن وتكەننەن كەيىن عانا پوليتسياعا جۇگىنۋگە بولادى دەگەن قاتە پىكىر. وسى ۋاقىتتا وزىندىك شاعىن-تەرگەۋ جۇرگىزۋدى باستاۋ كەرەك: دوستارىنا، ارىپتەستەرىنە حابارلاسىپ، ادامنىڭ جاقسى كورەتىن ورىندارىنا بارۋ، كۇن سايىن جۇرەتىن جەرىن باقىلاۋ كەرەك.

حابار-وشارسىز كەتكەن ادامدى ءوز بەتىنشە قالاي تابۋعا بولادى؟

● مامانداندىرىلعان ينتەرنەت-سەرۆيستەردىڭ كومەگىمەن ىزدەۋ؛

● ەرىكتى ۆولونتەرلەردى تارتۋ؛

● ىزدەستىرۋ تۋرالى پاراقشانىڭ ماكەتىن ازىرلەۋ، الەۋمەتتىك جەلىلەردە (قالالىق پابليكتەر، مامانداندىرىلعان توپتار) حابارلامانى ءبولىسۋ؛

● جەرگىلىكتى ب ا ق- قا ىزدەستىرۋ تۋرالى اقپارات جىبەرۋ؛

● ارنايى پاراقشالار جابىستىرۋ؛

● مەرزىمدى قوڭىراۋ شالۋ جانە مۇمكىندىگىنشە مەديتسينالىق مەكەمەلەرگە بارۋ؛

● مالىمەتتەردى زەرتتەۋ.

قاي ۋاقىتتا الاڭداي باستاۋ كەرەك؟

بارلىعى جاعدايعا جانە جوعالعان ادامنىڭ ادەتتەگى مىنەز-قۇلقىنا بايلانىستى.

كوبىنە ادام ۇيدەن دۇكەنگە شىعىپ، جۇمىستان ۇيگە كەتىپ، مەڭزەگەن جەرىنە جەتپەيدى؛ ۇيگە ۇيرەنشىكتى ۋاقىتتا كەلمەيدى.

بۇدان باسقا،

● ادام ۇزاق ۋاقىت بايلانىسقا شىقپاۋى،

● دوستارى مەن تۋىسقاندارى ونىڭ قايدا ەكەنىن بىلمەۋى،

● جۇمىس ورنىندا بولماۋى،

● جوعالعان ادامنىڭ قۇجاتتارى، سونداي-اق، ونىڭ زاتتارى مەن اقشاسى دا ۇيدە بولۋى الاڭداۋعا نەگىز بولادى.

وسى سەبەپتەردىڭ كەز كەلگەنى الاڭداۋ ء ۇشىن نەگىز بولا الادى جانە وسى سەبەپتەرمەن حابار-وشارسىز جوعالعان ادامدى ىزدەستىرۋ تۋرالى وتىنىشپەن پوليتسياعا جۇگىنۋگە بولادى.

ەگەر كارىلىك دەمەنتسيا، پسيحيكالىق اۋىتقۋلارمەن ازاپ شەگەتىن ادام جوعالسا...

● بولعان جاعداي تۋرالى پاتسيەنت ەسەپتە تۇرعان مەديتسينالىق مەكەمەنى حاباردار ەتۋ؛

● اۋرۋحانالارعا قوڭىراۋ شالۋ؛

● ادامنىڭ سەرۋەندەپ جۇرەتىن سۇيىكتى ورىندارىن ءجۇرىپ ءوتۋ؛

● ىزدەۋگە ەرىكتى ۇيىمداردى تارتۋ.

جوعالعان ادامنىڭ پسيحيكالىق اۋىتقۋشىلىعى بار ەكەنى تۋرالى پوليتسيا قىزمەتكەرلەرىن ەسكەرتۋ كەرەك، كەيبىر جاعدايلاردا مۇنداي ادامدار وزدەرى اينالاسىنداعىلارعا قاۋىپتى بولۋى مۇمكىن.

كامەلەتكە تولماعان بالانىڭ جوعالۋىن الدىن الۋ ءۇشىن...

● ءارقاشان بالانىڭ قايدا باراتىنىن، كىممەن بىرگە جۇرەتىنىن جانە ۇيگە قاي ۋاقىتتا قايتاتىنىن ءبىلۋ؛

● اتا-انالار مەن پوليتسيا بايلانىسىنا ۇيالى تەلەفوندا «جىلدام تەرۋ» وپتسياسىن ورناتۋ؛

● بالالاردى ءجيى سۋرەتكە ءتۇسىرۋ؛

● بالالار ۇيدەن شىققاندا كيگەن كيىمىن ەستە ساقتاۋ؛

● بالاعا ونىڭ اتى مەن مەكەنجايىن ۇيرەتۋ؛

● بالامەن جەكە قاۋىپسىزدىك شارالارىن ساقتاۋ تۋرالى ۇنەمى اڭگىمەلەسۋ؛

● كامەلەتكە تولماعان بالا فورس-ماجور جاعدايىندا كومەك الۋ ءۇشىن كىمگە جۇگىنەتىنىن ايتۋ؛

● ەگەر ۇيالى تەلەفونى بولسا، ونىڭ يەسىنىڭ ورنالاسقان جەرىن انىقتاۋعا مۇمكىندىك بەرەتىن ارنايى قوسىمشانى ورناتۋ قاجەت.

قارتتاردىڭ جوعالۋىن الدىن الۋ ءۇشىن...

● ۇيدە ەگدە ادامنىڭ دەنساۋلىق جاعدايىنا جانە قابىلدايتىن پرەپاراتتارعا قاتىستى مەديتسينالىق قۇجاتتاردىڭ كوشىرمەلەرى بولۋعا ءتيىس؛

● زەينەتكەر باراتىن بارلىق ورىننان حاباردار بولعان ءجون.

ەگەر ەگدە ادامدا دەمەنتسيانىڭ باستالعانىن بىلدىرەتىن بارلىق بەلگى بولسا، وندا ونىڭ زاتتارىنىڭ قالتاسىندا (سومكەدە، پورتمونەدە) ول تۋرالى دەرەكتەردى (اتى-ءجونى، تۋعان-تۋىسقاندارىنىڭ بايلانىستارى) قامتيتىن جازبانىڭ بولۋىن نەمەسە مۇنداي مالىمەتتەردى كيىم زاتتارىنا تىگۋدى ويلاستىرۋ قاجەت.

ادامنىڭ ورنالاسقان جەرىن قوسىلعان موبيلدى قۇرىلعى ارقىلى انىقتاۋعا بولادى. ءاربىر ۇيالى قۇرىلعىدا جەكە IMEI كود بار.

IMEI كودتى مۇندا ونلاين تەكسەرۋگە بولادى: IMEI تىركەۋدى تەكسەرۋ سەرۆيسى.

ابونەنتتىڭ ورنالاسقان جەرى مالىمەتتەر جانە قوڭىراۋلاردى ناقتىلاۋ - جەكە اقپارات، سوندىقتان ولاردى ارنايى سوت رۇقساتىن العاننان كەيىن الۋعا بولادى. ەگەر ادام شەتەلدە جۇرگەندە جوعالسا، جەرگىلىكتى پوليتسياعا جانە ديپلوماتيالىق وكىلدىككە (ەلشىلىككە) جۇگىنۋ قاجەت. ەلشىلىك جەرگىلىكتى پوليتسيا جۇمىسىن كەلىسەدى، جوعالعان ازاماتتىڭ تۋىستارىمەن بايلانىس جاسايدى، قاجەتتى ءوتىنىشتى جازۋ مەن قۇجاتتاردى جيناۋ كەزىندە كومەك كورسەتەدى.

massaget.kz

سوڭعى جاڭالىقتار