ءاربىر بەسىنشى ۋنيۆەرسيتەت تۇلەگى ماماندىعى بويىنشا جۇمىسقا تۇرماعان

None
استانا. قازاقپارات - ەلىمىزدەگى ۋنيۆەرسيتەتتەردى ءتامامداعان ءاربىر بەسىنشى ادام ماماندىعى بويىنشا جۇمىسقا تۇرماعان.

بۇل تۋرالى ەلورداداعى جوعارى ءبىلىم جانە عىلىم فورۋمىندا پرەمەر-ءمينيستردىڭ ورىنباسارى تامارا دۇيسەنوۆا ايتتى، دەپ حابارلايدى قازاقپارات ءتىلشىسى.

«2022-جىلدىڭ قورىتىندىسى بويىنشا ءبىزدىڭ وقۋ ورىندارىنىڭ 30 مىڭنان استام تۇلەگىنە ەڭبەك نارىعىندا سۇرانىس بولمادى. بۇل - ءبىزدىڭ وتاندىق ۋنيۆەرسيتەتتى بىتىرگەن ءاربىر بەسىنشى تۇلەك. قازىرگى كەزدە ءتۇرلى پلاتفورمالاردا جۇمىسپەن قامتۋ تەتىگى كەڭەيىپ كەلەدى. وندا نەگىزىنەن ازىق-تۇلىك جەتكىزۋ، تاكسي قىزمەتى سياقتى پلاتفورمالار بار. زەرتتەۋ كورسەتكەندەي، كەيىنگى ءتورت جىلدا وندا جۇمىس ىستەيتىن جوعارى ءبىلىمى بار جۇمىسشىلاردىڭ ۇلەسى 10 پايىزعا، ياعني 23 تەن 33 پايىزعا ءوستى. ەكونوميكانىڭ قاي سالاسىنا جوعارى ءبىلىمدى مامانداردى دايىنداپ جاتقانىمىزدى ءتۇسىنىپ وتىرسىزدار دەپ ۇمىتتەنەمىن»، - دەدى ت. دۇيسەنوۆا ۋنيۆەرسيتەت رەكتورلارىنا قاراتا ايتقان سوزىندە.

ونىڭ ايتۋىنشا، قازىر ەكونوميكانىڭ ءبىرقاتار ماڭىزدى باعىتتارىندا ءبىلىمدى كادرلار تاپشىلىعى بار.

«ەگەر جالدامالى جۇمىسشىلاردىڭ جاس قۇرىلىمىنا قاراساق، وندا 40 جاستان اسقاندار باسىم ەكەنى بايقالادى. قازىردىڭ وزىندە ناقتى سەكتورعا جاس ماماندار كەرەك»، - دەدى ۇكىمەت باسشىسىنىڭ ورىنباسارى.

بۇدان بۇرىن حابارلانعانداي، ۋنيۆەرسيتەت وقىتۋشىلارىنا جالاقى تولەۋدىڭ جاڭا جۇيەسى ىسكە قوسىلماق.


سوڭعى جاڭالىقتار