بۋرابايداعى كازينودا پوليتسەيلەر بومبا ىزدەپ جاتىر

None
كوكشەتاۋ. قازاقپارات - بۋراباي كۋرورتىنداعى كازينوعا بومبا قويىلعاندىعى تۋرالى حابارلاماعا بايلانىستى پوليتسيا تەكسەرۋ جۇرگىزىپ جاتىر، دەپ حابارلايدى قازاقپارات ءتىلشىسى.

«24-تامىزدا كازينونىڭ باس بۋحالتەرىنىڭ پوشتاسىنا Cash Ville Casino عيماراتىنا جارىلعىش زات قويىلعاندىعى تۋرالى حابارلاما تۇسكەن. وندا كورسەتىلگەندەي، عيماراتقا 6 كەلى تروتيل اكەلىنگەن. حابارلامانىڭ اۆتورى شوتقا 5 ميلليون رۋبل اۋدارۋدى تالاپ ەتىپ (حاتتا كورسەتىلگەن)، كەرى جاعدايدا كازينونى جاراتىنىن جازعان»، - دەپ جازدى جەرگىلىكتى باق.

ايتا كەتسەك، اتالمىش كازينو بۋراباي كۋرورتىنداعى «Rixos Borovoe» قوناق ءۇيىنىڭ ءبىرىنشى قاباتىندا ورنالاسقان.

«قازىرگى كەزدە ايتىلعان ورىندا جەدەل تەرگەۋ توبى جۇمىس ىستەپ جاتىر»، - دەپ ءتۇسىندىردى قازاقپارات ءتىلشىسىنىڭ ساۋالىنا اقمولا وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

سونداي-اق ۆەدومستۆونىڭ باسپا ءسوز قىزمەتى كەيىنىرەك قوسىمشا مالىمەت ۇسىناتىنىن ايتتى.


سوڭعى جاڭالىقتار