جاڭادان سالىناتىن مەكتەپتەردىڭ بارلىعىندا ليفتى بولادى - مينيسترلىك

None
None
استانا. قازاقپارات - جاڭادان سالىناتىن مەكتەپتەردىڭ بارلىعىندا ليفتى بولادى. بۇل تۋرالى وقۋ- اعارتۋ مينيسترلىگى قارجى جانە بيۋدجەتتىك جوسپارلاۋ دەپارتامەنتىنىڭ ديرەكتورى عالىمجان مولداش ايتتى، دەپ حابارلايدى قازاقپارات ءتىلشىسى

«دەنساۋلىق ساقتاۋ مينيسترلىگىنىڭ مالىمەتىنشە، وكىنىشكە وراي سوڭعى جىلدارى وقۋشىلار اراسىندا سكلەروز 2 ەسەگە ارتتى. ونىڭ سەبەبىنىڭ ءبىرى - وقۋشىلاردىڭ بويى مەن جاس ەرەكشەلىكتەرىن ەسكەرمەي مەكتەپ جيھازىنا وتىرعىزۋ. سوندىقتان مەكتەپ جيھازدارى جىلجىمالى جانە وقۋ پروتسەسىنىڭ ناقتى ماقساتتارى مەن مىندەتتەرىنە بەيىمدەلۋى ءتيىس. «جايلى مەكتەپ» ۇلتتىق جوباسى اياسىندا جيھازدارعا باستى نازار اۋدارىلدى. سونىمەن قاتار بالالارعا فيزيكالىق جۇكتەمەنى ازايتۋ جانە ىڭعايلى بولۋى ءۇشىن وقۋ قۇرالدارى اۋىستىرىلىپ، كيىم ساقتاۋعا ارنالعان جەكە شكافتار بارلىق مەكتەپتە قاراستىرىلاتىن بولادى. جايلى مەكتەپتىڭ ءاربىر قاباتىندا اۋىز سۋ بۇرقاقتارى ورناتىلادى»، - دەدى ول ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە.

سونىمەن قاتار ول ەرەكشە قاجەتتىلىگى بار بالالارعا جاعداي جاساۋ ءۇشىن ءاربىر مەكتەپ پاندۋس جانە كوتەرگىشتەرمەن، ليفتىلەرمەن، سانيتارلىق توراپتارمەن جابدىقتالاتىنىن ايتادى.

«قازىرگى ۋاقىتتا مەكتەپتەردىڭ بىردە-بىرىندە ءليفتى جوق. سوندىقتان ەندى سالىناتىن بارلىق مەكتەپ بالالارعا جاعداي جاساۋ ءۇشىن ليفتىلەرمەن، قۇرىلعىلارمەن مىندەتتى تۇردە جابدىقتالادى. ۇلتتىق جوبانى ىسكە اسىرۋعا 30 دان استام مەملەكەتتىك ورگان مەن ۇيىمدار جۇمىلدىرىلعان. ولاردىڭ ءارقايسىسىنىڭ ءرولى مەن جاۋاپكەرشىلىگى ايقىندالعان. وقۋ-اعارتۋ مينيسترلىگىنىڭ ءرولى - ۇلتتىق جوبانى ساپالى ىسكە اسىرۋدا ءادىسنامالىق سۇيەمەلدەۋ جانە باقىلاۋ. مەكتەپتەردى ساپالى سالۋ جانە ولاردى ۋاقىتىندا پايدالانۋعا بەرۋ جاۋاپكەرشىلىگى «Samruk-Kazyna Construction» مەن ءوڭىر اكىمدىكتەرىنە جۇكتەلگەن»، - دەدى عالىمجان مولداش.


سوڭعى جاڭالىقتار