اباي وبلىسىندا جول بويىنان تابىلعان ادامدى كىم ءولتىرىپ، قاشىپ كەتكەنى بەلگىلى بولدى

سەمەي. قازاقپارات - اباي وبلىسىنىڭ كوكپەكتى اۋدانىندا جول-كولىك وقيعاسى ءىزى سۋىماي اشىلدى، دەپ حابارلايدى قازاقپارات پوليتسياعا سىلتەمە جاساپ.

5- تامىز ساعات 19:30 شاماسىندا زايسان كولىنىڭ جاعاسىنداعى تاسساي اۋىلدىق وكرۋگىنىڭ «بەرەگوۆوي» ۋچاسكەسىنەن بەلگىسىز ادامنىڭ ءمايىتى تابىلدى.

پوليتسەيلەر 30 جاستاعى جۇرگىزۋشىنى انىقتادى.

ول ماس كۇيىندە «SUBARU LEGACY» ماركالى اۆتوكولىك قۇرالىنىڭ تىزگىنىندە 32 جاستاعى جاياۋ جۇرگىنشىنى قاعىپ كەتكەن.

جول-كولىك وقيعاسى سالدارىنان 32 جاستاعى جاياۋ جۇرگىنشى وقيعا ورنىندا قازا تاپقان.

قازىرگى ۋاقىتتا ق ر ق ك 345-1-بابىنىڭ 3-بولىگى بويىنشا سوتقا دەيىنگى تەرگەۋ ءجۇرىپ جاتىر.