قالا سىرتىنداعى جولداردا جىلدامدىقتى باقىلايتىن كامەرالار جۇيەسى ىسكە قوسىلادى

None
None
استانا. قازاقپارات - جول ءجۇرىسى قاۋىپسىزدىگىن قامتاماسىز ەتۋ جانە جول-كولىك وقيعالارىنىڭ الدىن الۋ بويىنشا باقىلاۋدى كۇشەيتۋ ماقساتىندا ءى ءى م اۆتوموبيل جولدارى كوميتەتى مەن «قازاۆتوجول» ۇ ك» ا ق بىرلەسىپ، جىلدامدىق رەجيمىن اسىرعان اۆتوكولىكتەردى تىركەۋ ءۇشىن قالا سىرتىنداعى جولداردا كامەرالاردى پايدالانۋ جونىندەگى جۇيەنى ىسكە قوسادى، دەپ حابارلايدى قازاقپارات Polisia.kz-كە سىلتەمە جاساپ.

«33 «ZEREK-2» باعدارلامالىق- اپپاراتتىق كەشەنى اكىمشىلىك وندىرىستەردىڭ ءبىرىڭعاي ءتىزىلىمى جۇيەسىمەن ينتەگراتسيالانعان، ياعني نۇسقامالاردى قۇقىقبۇزۋشىلارعا جىبەرۋ اۆتوماتتى رەجيمدە جۇزەگە اسىرىلاتىن بولادى. بۇگىنگى تاڭدا «ZEREK-2» شىمكەنت - قىزىلوردا، شىمكەنت - وزبەكستان شەكاراسى، شىمكەنت - تاراز، تاراز - قاينار، قونايەۆ - تالدىقورعان جانە استانا - پاۆلودار اۆتوجولدارىندا جۇمىس اتقارۋعا دايىن. وسىنداي باعدارلامالىق كەشەن كوكشەتاۋ - استانا تاسجولىندا بۇرىن ىسكە قوسىلعان بولاتىن جانە جولداعى قۇقىق بۇزۋشىلىقتاردى تىركەۋدە جاقسى ناتيجەلەر كورسەتىپ جاتىر»، - دەدى ءى ءى م اكىمشىلىك پوليتسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى اقتوتى بورانوۆا.

جەتى ايدا ەلىمىزدىڭ جولدارىندا جەتى مىڭعا جۋىق جول-كولىك وقيعاسى تىركەلدى، وندا 1200 دەن استام ادام قازا تاۋىپ، 8500 گە جۋىق ادام ءتۇرلى دارەجەدەگى جاراقات الدى.

ونىڭ ىشىندە جىلدامدىق رەجيمىن ساقتاماۋ سالدارىنان قالا سىرتىنداعى تراسسالاردا 730 جول-كولىك وقيعاسى تىركەلدى، وندا 300 دەن استام ادام قازا تاۋىپ، 1200 دەن استام ادام زارداپ شەكتى.

«جوعارىدا اتالعان جولداردا 25- تامىز ساعات 00:00 دەن باستاپ «ZEREK-2» كەشەنى شتاتتىق رەجيمدە جۇمىس اتقاراتىن بولادى. وسى مۇمكىندىكتى پايدالانا وتىرىپ، بارلىق جۇرگىزۋشىلەردەن جىلدامدىق رەجيمىن جانە اۆتوكولىكتەر اراسىنداعى قاشىقتىقتى ساقتاۋدى سۇرايمىز. ءسىزدىڭ ومىرىڭىزدەن ماڭىزدى ەشتەڭە جوق!» - دەدى اقتوتى بورانوۆا.

سوڭعى جاڭالىقتار