پاۆلوداردان تۇسكەن قوڭىراۋ تۇركىستان وبلىسىندا اسىلىپ قالعان قىزدى قۇتقارۋعا كومەكتەستى

None
تۇركىستان. قازاقپارات - تۇركىستان وبلىسىندا ءتۇن جارىمىندا ەكى ءتارتىپ ساقشىسى ءوزىن-ءوزى ولتىرمەك بولعان قىزدى قۇتقارىپ قالدى، دەپ حابارلايدى قازاقپارات.

پۇندە پاۆلودارلىق جاس جىگىت تولەبي ا پ ب-عا قوڭىراۋ شالىپ، تۇركىستان وبلىسىندا تۇراتىن تانىسى ءوز-وزىنە زيان كەلتىرگەلى جاتقانىن جانە ونى تەز ارادا قۇتقارۋ كەرەكتىگىن حابارلايدى.

پوليتسيا قىزمەتكەرلەرى ەسەنعالي اسقاربەكوۆ پەن بەيبارىس سەرىكبايەۆ ويلانباستان بىردەن قىزدىڭ مەكەنجايىن انىقتاپ، سول جەرگە جەتەدى.

ۋچاسكەلىك ينسپەكتورلار ءۇيدىڭ قاقپاسىن قاققانىمەن، ەشكىم اشپايدى.

سودان كەيىن ءتارتىپ ساقشىلارى ۋاقىتتى جوعالتپاۋ كەرەكتىگىن ءتۇسىنىپ، قاقپانىڭ ۇستىنەن اسىپ تۇسەدى.

بەيتانىس ايەل جۇگىرىپ شىعىپ، پوليتسەيلەردىڭ نە ىستەپ جاتقانىن سۇرايدى.

ولار قوڭىراۋ ارقىلى كەلگەنىن تۇسىندىرەدى، الايدا ايەل قىزىنىڭ ءوز بولمەسىندە ۇيىقتاپ جاتقانىن ايتادى.

ءتارتىپ ساقشىلارى سەنىمدى بولۋ ءۇشىن ءۇيدى تەكسەرمەكشى بولادى. وسىلايشا ولار قىزدىڭ بولمەسىندە جوق ەكەنىن جانە اس ۇيدە قوشتاسۋ حاتى تۇرعانىن كورەدى.

ولار ءۇيدىڭ تۇكپىر-تۇكپىرىن ارالاپ، قاراي باستادى، ءبىراق قىز ءىز-ءتۇزسىز جوق.

بەيبارىس سەرىكبايەۆ ءۇيدىڭ توبەسىنە اپاراتىن باسپالداقتى بايقاپ، وعان كوتەرىلىپ، سول ساتتە ارقانعا ءىلۋلى تۇرعان قىزدى تابادى.

ۋچاسكەلىك قىزمەتكەر دەرەۋ ارىپتەسىن كومەككە شاقىرادى. بىرەۋى قىزدى كوتەرىپ، ەكىنشىسى ىلمەكتى كەسىپ تاستايدى.

سودان كەيىن پوليتسيا وعان العاشقى مەديتسينالىق كومەك كورسەتە باستادى: ولار قىزدىڭ جانسىزدانعان اياق-قولىن ۋقالاپ، جاساندى تىنىس الىپ، جەدەل جاردەم شاقىرادى.

قىراعىلىق پەن كەلىسىلگەن ارەكەتتىڭ ارقاسىندا پوليتسەيلەر 24 جاستاعى قىزدى قۇتقارىپ قالادى.

قازىر ونىڭ جاعدايى ءبىرقالىپتى. وقيعانىڭ تولىق ءمان-جايى ءالى دە انىقتالىپ جاتىر.

اناسى ءتارتىپ ساقشىلارىنا شىن جۇرەكتەن العىسىن ايتتى.

سونداي-اق پوليتسەيلەرگە دارىگەرلەر دە العىس ايتىپ، قىزدىڭ ۋاقىتىندا قۇتقارىلعانىن، ساپالى العاشقى كومەك كورسەتكەنىن اتاپ ءوتتى.

دارىگەرلەردىڭ ايتۋىنشا، پوليتسەيلەر بىرنەشە سەكۋندقا كەشىكەندە قىز ومىرىمەن قوشتاسۋى مۇمكىن ەدى.

پوليتسيا قىزمەتكەرى ەسەنعالي اسقاربەكوۆ 2006 -جىلدان 2007 -جىلعا دەيىن وسكەمەندە اسكەري بورىشىن وتەپ، 2009 -جىلدىڭ قىركۇيەگىنەن باستاپ ءىىو- دا جۇمىس ىستەيدى. ۇيلەنگەن، ءۇش ۇل تاربيەلەپ وتىر.

بەيبارىس سەرىكبايەۆ - بەلگىلى ءانشى ءارى كومپوزيتور ەرجان سەرىكبايەۆتىڭ ۇلى. ماەسترو ءوزىنىڭ تۋعان قالاسى ارىس قالاسىندا 51 جاسىندا جول اپاتى كەزىندە قايتىس بولدى.

قايعىلى وقيعادان كەيىن جاس جىگىت ءوز ءومىرىن پوليتسيا قىزمەتىمەن بايلانىستىرۋعا شەشىم قابىلدادى. بەيبارىس 2022 -جىلدان باستاپ ءى ءى و- دا قىزمەت اتقارۋدا.


سوڭعى جاڭالىقتار