جاڭبىر، نايزاعاي، داۋىل: سارسەنبىگە كۇن رايى بولجامى

None
استانا. قازاقپارات – 23-تامىز كۇنى قازاقستان اۋماعىنىڭ باسىم بولىگىندە فرونتالدى بولىكتەردىڭ وتۋىمەن كۇن رايىنىڭ قۇبىلمالى سيپاتى ساقتالىپ، جاڭبىر، نايزاعاي، داۋىل، ەكپىندى جەل، بۇرشاق كۇتىلەدى.

ەلدىڭ سولتۇستىگى مەن سولتۇستىك- باتىسىندا قاتتى جاڭبىر جاۋۋى ىقتيمال. تەك وڭتۇستىك اۋماقتاردا جاۋىن- شاشىنسىز كۇن رايى بولجانادى. رەسپۋبليكانىڭ سولتۇستىگى مەن سولتۇستىك- باتىسىندا تۇنگى جانە تاڭەرتەڭگى ساعاتتاردا تۇماندى بولادى. قازاقپارات بۇل تۋرالى قازگيدرومەتكە سىلتەمە جاساپ حابارلايدى.

كۇندىز جەتىسۋ، ۇلىتاۋ، الماتى، ماڭعىستاۋ، قاراعاندى وبلىستارىندا، اقتوبە وبلىسىنىڭ وڭتۇستىگىندە 35-38 گرادۋسقا دەيىن قاتتى ىستىق كۇتىلەدى.

ماڭعىستاۋ، جامبىل، قىزىلوردا، اقتوبە، اتىراۋ وبلىستارىنىڭ باتىسىندا، شىعىسىندا، وڭتۇستىگىندە، قوستاناي وبلىسىنىڭ وڭتۇستىگىندە، جەتىسۋ وبلىسىنىڭ باتىسىندا، ورتالىعىندا، تۇركىستان وبلىسىنىڭ سولتۇستىگىندە، باتىسىندا، وڭتۇستىگىندە، ءشولدى اۋداندارىندا ءورت تۇتانۋ قاۋپى اسا جوعارى.

باتىس قازاقستان وبلىسىنىڭ سولتۇستىگىندە، ورتالىعىندا وت شىعۋ قاۋپى جوعارى، ال ءوڭىردىڭ باتىسىندا، شىعىسىندا، وڭتۇستىگىندە ءورت تۇتانۋ قاۋپى اسا جوعارى.

الماتى وبلىسىنىڭ سولتۇستىك جارتىسىندا وت شىعۋ قاتەرى اسا جوعارى، سونداي- اق ءوڭىردىڭ وڭتۇستىك جارتىسىندا جوعارى ءورت قاۋپى ساقتالادى.

ۇلىتاۋ، اباي، شىعىس قازاقستان، سولتۇستىك قازاقستان، اقمولا جانە قاراعاندى وبلىستارىندا جوعارى ءورت قاۋپى ساقتالادى.

سوڭعى جاڭالىقتار