يراندا حيدجاپ كيمەگەندەردىڭ جازاسىن كۇشەيتەتىن زاڭ ماقۇلداندى

None
Фото: armenpress.am
استانا. قازاقپارات - يران پارلامەنتىنىڭ كوميسسياسى حيدجاپ كيۋدى مىندەتتەيتىن زاڭدى بۇزعان جاعدايدا جازانى قاتاڭداتۋدى ماقۇلدادى.

بۇل تۋرالى ارمەنپرەسس Deutsche Welle باسىلىمىنا سىلتەمە جاساپ حابارلادى.

كەلەسى كەزەڭدە جاڭا زاڭ كونستيتۋتسيا كۇزەتى كەڭەسى - كونسەرۆاتيۆتىك ءدىنباسىلاردان تۇراتىن باقىلاۋ ورگانىنا تانىستىرىلادى.

CNN تەلەارناسىنىڭ حابارلاۋىنشا، زاڭ جوباسى حيدجاپ كيۋدەن باس تارتقان ايەلدەرگە اسا ءىرى ايىپپۇل سالاتىن نەمەسە ۇزاق مەرزىمگە تۇرمەگە قامايتىن، زاڭدى بۇزعان تانىمال ادامدار مەن كومپانيالارعا جازانى قاتاڭداتىپ، درەسس-كودتى بۇزعانداردى جاساندى ينتەللەكت ارقىلى انىقتايتىن 70 باپتان تۇرادى.

قازىر يران زاڭناماسىندا درەسس-كود بۇزعاندار 10 كۇننەن ەكى ايعا دەيىن قاماۋعا الىنادى نەمەسە 50 مىڭنان 500 مىڭ يران ريالىنا (1 دەن 10 ەۋروعا دەيىن) دەيىن ايىپپۇل تولەيدى.

ال جاڭا زاڭ پاكەتى بويىنشا بەس جىلدان ون جىلعا دەيىن قاماۋعا الىنىپ، 360 ميلليون يران ريالىنا (7800 ەۋرو) دەيىن ايىپپۇل تولەۋى مۇمكىن.

زاڭدى قاتاڭداتۋ - ەل بيلىگىنىڭ 2022 -جىلعى نارازىلىق شارالارىنا جاۋابى. وعان حيدجاپتى دۇرىس تاقپاعانى ءۇشىن ۇستالىپ، قاماۋدا قازا تاپقان 22 جاستاعى ماحسا ءامينيدىڭ ءولىمى سەبەپ بولدى.

ەل بيلىگى نارازىلىقتى قاتىگەزدىكپەن توقتاتىپ، بىرنەشە ادامدى ءولىم جازاسىنا كەستى.

نەمىستىڭ dpa اگەنتتىگىنىڭ ايتۋىنشا، نارازىلىق توقتاعانىنا قاراماستان كوپتەگەن ايەل حيدجاپ تاعۋ تۋرالى تالاپقا قارسىلىق تانىتادى.

وعان جاۋاپ رەتىندە بيلىك وكىلدەرى بىرنەشە ايدان بەرى بۇرىنعىدان دا قاتاڭ شارالاردى دايىنداپ جاتىر.

سوڭعى جاڭالىقتار