كۇزگە ارنالعان اۋا رايى بولجامى جاريالاندى

None
استانا. قازاقپارات - سينوپتيكتەر كۇزدەگى اۋا رايى بولجامىن ۇسىندى، - دەپ حابارلايدى قازاقپارات.

قىركۇيەكتە ورتاشا تەمپەراتۋرا رەسپۋبليكانىڭ باسىم بولىگىندە نورماعا جاقىن، نورمادان 1 گرادۋسقا جوعارى بولادى دەپ كۇتىلەدى. بۇل قۇبىلىس باتىس قازاقستان، اتىراۋ، ماڭعىستاۋ، اقتوبەنىڭ سولتۇستىك-باتىس جارتىسىندا، قوستانايدىڭ سولتۇستىگىندە، سولتۇستىك قازاقستان وبلىستارىنىڭ شەتكى سولتۇستىك-باتىسىندا بايقالادى.

كۇزدىڭ ءبىرىنشى ايىندا جاۋىن-شاشىن مولشەرى دە رەسپۋبليكانىڭ باسىم بولىگىندە نورماعا جاقىن بولادى. بۇل قۇبىلىس ماڭعىستاۋ وبلىسى مەن ۇلىتاۋ وبلىسىندا، قاراعاندى، قىزىلوردا، تۇركىستان، جامبىل، الماتى وبلىستارىنىڭ جانە جەتىسۋ وبلىسىنىڭ باسىم بولىگىندە، اتىراۋدىڭ شەتكى وڭتۇستىك-شىعىسىندا، اقتوبە وبلىستارىنىڭ شەتكى وڭتۇستىك-باتىسىندا، اباي وبلىسىنىڭ وڭتۇستىك-باتىسىندا بايقالادى.

قازاندا اۋانىڭ ورتاشا ايلىق تەمپەراتۋراسى رەسپۋبليكا اۋماعىنىڭ باسىم بولىگىندە نورمادان 1 گرادۋسقا جوعارى، تۇركىستان، جامبىل، الماتى وبلىستارىنىڭ تاۋلى ايماقتارىندا نورماعا جاقىن بولادى دەپ كۇتىلەدى. قازاندا رەسپۋبليكا بويىنشا جاۋىن-شاشىن نورماعا جاقىن بولادى دەپ بولجانعان.

قاراشادا اۋانىڭ ورتاشا ايلىق تەمپەراتۋراسى رەسپۋبليكانىڭ باسىم بولىگىندە نورمادان 1-2 گرادۋسقا جوعارى، تۇركىستان، جامبىل، الماتى، ماڭعىستاۋ، قىزىلوردا، جەتىسۋ وبلىستارىندا نورماعا جاقىن بولادى دەپ كۇتىلەدى.

قاراشادا جاۋىن-شاشىن مولشەرى رەسپۋبليكانىڭ باسىم بولىگىندە نورمادان از بولادى، نورماعا جاقىن باتىس قازاقستان، اتىراۋ، ماڭعىستاۋ، سولتۇستىك قازاقستان، اقتوبە، قوستاناي، اقمولا، پاۆلودار وبلىستارىنىڭ باسىم بولىگىندە، وڭتۇستىكتە الماتى وبلىسىنىڭ جارتىسىندا، تۇركىستان، جامبىل، شىعىس قازاقستان وبلىستارىنىڭ جانە جەتىسۋ وبلىسىنىڭ تاۋلى جانە تاۋ بوكتەرىندەگى اۋداندارىندا جاۋادى.

سوڭعى جاڭالىقتار