جەلىدە قازاقستاندىقتاردىڭ دەرەكتەرى «سەرگەك» ارقىلى قىتايعا جىبەرىلەتىنى تۋرالى اقپارات تارادى
جەلى قولدانۋشىلارى 2019-جىلى دا «سەرگەك» كامەرالارى قىتايدا شىعارىلعانىن، سوندىقتان قازاقستاندىقتار تۋرالى اقپارات شەتەلگە جىبەرىلەتىنى تۋرالى ايتقان بولاتىن.
باسىلىم مالىمەتىنشە، بۇل شىندىققا جاناسپايدى. ونىڭ باعدارلاماسى مەن جۇمىس الگوريتمدەرىن قازاقستاندىق IT ماماندار جاساعان. بۇل باعدارلامانى ازىرلەۋشىلەر - «كوركەم تەلەكوم» كومپانياسى.
2021-جىلى كومپانيانىڭ باسقارما ءتوراعاسى اسەت احمەتوۆ حالىقتىڭ قاۋىپسىزدىگىنە بايلانىستى IT شەشىمدەر تاۋەلسىز بولۋى اسا ماڭىزدى ەكەنىن ايتقان.
Sergek Group باسپا ءسوز قىزمەتى مالىمەتىنشە، «سەرگەك» كامەرالارى جيناعان دەرەكتەر باسقا ەلدەرگە بەرىلمەيدى.
«سەرگەك» قوعامدىق قاۋىپسىزدىك جۇيەسى كامەرالارىنان الىنعان دەرەكتەر 30 كۇن، ال جول قوزعالىسى ەرەجەلەرى بۇزىلعانى تۋرالى دەرەكتەر قازاقستاندىق سەرۆەرلەردە مەرزىمسىز ساقتالادى. دەرەكتەر قۇقىق قورعاۋ ورگاندارى ءۇشىن قولجەتىمدى.
«سەرگەك» كامەرالارىنداعى دەرەكتەردى شەتەلدەگى ءۇشىنشى تۇلعالارعا بەرۋ مۇمكىن ەمەس»، - دەلىنگەن ۆەدومستۆو حابارلاماسىندا.
دەمەك، «سەرگەك» كامەرالارىنىڭ دەرەكتەرى قىتايعا بەرىلەتىنى تۋرالى اقپارات فەيك. كامەرالار ارقىلى جينالعان دەرەكتەر قازاقستاندىق سەرۆەرلەردە ساقتالادى جانە شەتەلگە جىبەرىلمەيدى.
