قىركۇيەكتە جاڭادان وتاۋ قۇرعان جاستارعا ارنالعان اقپاراتتىق- ءتۇسىندىرۋ شارالارى باستالادى

None
استانا. قازاقپارات - بيىل قىركۇيەكتە ەرلى- زايىپتىلار ءۇشىن اقپاراتتىق- ءتۇسىندىرۋ شارالارىنىڭ كەشەنى ىسكە قوسىلادى.

بۇل جايىندا پرەمەر- مينيستر ءاليحان سمايىلوۆتىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.

«وتباسى قۇندىلىقتاردى ودان ءارى نىعايتۋ ماقساتىندا اقپارات جانە قوعامدىق دامۋ مينيسترلىگى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ، وسى جىلدىڭ قىركۇيەك ايىندا نەكەگە تۇرعان ەرلى- زايىپتىلار ءۇشىن وڭ ىقپالى بار وتباسىلىق داستۇرلەر مەن رۋحاني- ادامگەرشىلىك قۇندىلىقتاردى ساقتاۋ، وتباسىن جوسپارلاۋ جانە ەرلەر مەن ايەلدەردىڭ رەپرودۋكتيۆتى دەنساۋلىعىن قورعاۋ ماسەلەسى بويىنشا نەكەگە تۇرعان ەرلى- زايىپتىلار ءۇشىن اقپاراتتىق- ءتۇسىندىرۋ شارالارىنىڭ كەشەنىن (e-gov پلاتفورماسىنداعى جادىناما، وفلاين جانە ونلاين فورماتتاعى بەينەروليكتەر، سەمينارلار مەن ترەنينگتەر جانە باسقا دا شارالار) ىسكە قوسۋدى جوسپارلاپ وتىر»، - دەپ اتاپ وتەدى ۇكىمەت باسشىسى.

پرەمەر- ءمينيستردىڭ دەرەگىنشە، ەلىمىزدە وتباسىلىق- تۇرمىستىق زورلىق- زومبىلىقتىڭ پروفيلاكتيكاسى سالاسىندا بەلگىلى وڭ ديناميكا بايقالادى.


سوڭعى جاڭالىقتار