تۇماۋ سياقتى - اجار عينيات كوروناۆيرۋستىڭ جاڭا شتامى بەلگىلەرىن ايتتى

None
استانا. قازاقپارات - ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن دەنساۋلىق ساقتاۋ ءمينيسترى اجار عينيات الەم ەلدەرىندە تاراپ جاتقان كوروناۆيرۋستىڭ جاڭا شتامىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«دۇنيەجۇزىندە كوروناۆيرۋستىڭ وميكرون ءتۇرىنىڭ «eris» شتامى انىقتالدى. زەرتتەۋ جۇمىستارىنىڭ ناتيجەسىنە قاراساق، ەلىمىزدە بۇل شتامم جوق. قىتاي، ا ق ش جانە ەۋروپا ەلدەرىندە بۇل شتامنىڭ بار ەكەنى دالەلدەندى. جاڭا شتامم وميكرون بەلگىلەرىنە ۇقساس. دەگەنمەن ونىمەن اۋىرعان ادامدا اۋرۋ جەڭىل وتەدى، كوبىنە تۇماۋ اۋرۋى سياقتى ءوتىپ جاتىر»، - دەپ پىكىر ءبىلدىردى مينيستر اجار عينيات.

ەسكە سالايىق، بۇعان دەيىن كوروناۆيرۋستىڭ جاڭا ءتۇرى تاراعانى تۋرالى اقپارات جاريالانعان بولاتىن. وسىعان بايلانىستى دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتاريالىق دارىگەر ايجان ەسماعامبەتوۆا كارانتين ەنگىزىلۋى مۇمكىن بە؟» دەگەن سۇراققا جاۋاپ بەردى.


سوڭعى جاڭالىقتار