ەر ادامدارعا قانداي ايەلدەر ۇنايدى؟

استانا. قازاقپارات - ءار ەر ادامنىڭ قالاۋى ءارتۇرلى جانە ەر ادامداردىڭ ماحابباتى ايەلدەردىكىنە قاراعاندا باسقاشا. ەرلەردىڭ ماحابباتى ينتيمدىك جاقىندىق پەن قۇرمەتكە نەگىزدەلەدى.

كوپشىلىك ايەل ەر ادامنىڭ نازارىن اۋدارتۋ ءۇشىن سىرت كەلبەت شەشۋشى ءرول اتقارادى دەپ سانايدى.

شىنىمەن دە ەرلەر تابيعاتىندا ايەلدىڭ سىرت كەلبەتىنە نازار اۋدارۋ بار. ءبىراق ەر ادامدى سۇلۋ سىرت كەلبەتپەن ۇستاپ قالۋ مۇمكىن ەمەس. سەبەبى ەرلەر ءمان بەرەتىن باسقا دا ماڭىزدى نارسەلەر بار جانە سولار ونىڭ قامقور بولۋىنا ىقپال ەتەدى.

Massaget.kz كوپشىلىك ەر ادام باعالايتىن ايەل بويىنداعى نەگىزگى قاسيەتتەردى ۇسىنادى.

تاۋەلسىز تۇلعا. ايەل ءوز كوزقاراسى مەن جوسپارىندا تەۋالسىزدىكتى ساقتاسا، وزدىگىنەن شەشىم قابىلداي السا، تۇلعا بولىپ قالادى. ءوزىن قالاي بار سولاي كورسەتۋگە قورىقپايتىن، ءوز جەتىستىكتەرىمەن ماقتاناتىن ايەلدەر ەرلەردى ماگنيت سەكىلدى تارتادى. ونىڭ ءوز پىكىرى بار جانە ونى ەركىن ايتا الادى. ول «باسقالار مەن جايلى نە ويلايدى» دەپ ۋايىمدامايدى. ول ەڭ الدىمەن ءوزىن جانە ءوز سەزىمدەرىن قۇرمەتتەيدى. مۇنداي ايەل ءوز ءومىرىن جاقسى كورەدى.

پاراساتتى ايەل. پاراساتتى ايەلدەر شىنىمەن دە ەرلەرگە ۇنايدى. اقىلدى ايەل ءاردايىم دامۋ ۇستىندە بولادى، ول توقتاۋسىز ءبىلىم الادى. ەر ادام مۇنداي ايەلمەن ۇنەمى قىزىق بولاتىنىن، قىزىعۋشىلىقتارى ءارتۇرلى بولسا دا، اڭگىمەلەسۋگە ورتاق تاقىرىپ تابىلانىتىنا سەنىمدى بولادى. ەر ادام ءۇشىن قارىم-قاتىناستا سۇيىكتىسىنىڭ قولداۋى، قيىن كەزدە كەڭەس سۇراي الۋ مۇمكىندىگىنىڭ بولۋى ماڭىزدى.

وزىنە كۇتىم جاسايتىن ايەل. قالاي دەسە دە، سىرتقى سۇلۋلىق ۇلكەن ءرول اتقارادى، سەبەبى ول العاشقى بولىپ كوزگە تۇسەدى جانە قىزىعۋشىلىق تۋدىرادى. ەر ادامعا ايەلدىڭ كۇتىمدى بولۋى ماڭىزدى. ەر ادام ۇساق- تۇيەكتەرگە ءمان بەرمەيدى، ول ايەلدى تولىقتاي قابىلدايدى. مىسالى: دەنە سىمباتتىلىعى، كيىمى، ءشاشى، ءيىسى، مىنەز-قۇلقى.

قۋانىشتى ايەل. وپتيميزم ادامداردى تارتادى. مۇنداي ايەل ءوز ومىرىنە ريزا جانە ءوز-وزىمەن كەلىسىمدە ءومىر سۇرەدى. سايكەسىنشە، بۇل باسقالاردى ءتانتى ەتەدى. مۇنداي اداممەن سويلەسۋ وڭاي. ەر ادامدار ايەلدىڭ ىشكى جاعدايىن بىردەن بايقايدى. ءار ۇساق-تۇيەككە اشۋلاناتىن جانە شاعىمدانا بەرەتىن ايەل ەر ادامعا ۇنامايدى. ارينە، اراسىندا جىلاپ، ءوز پروبلەماڭدى سەرىگىڭمەن ءبولىسىپ تۇرۋ كەرەك. ءبىراق ەگەر ايەل ۇنەمى قاناعاتسىز بولىپ جۇرسە، ەر ادام «مەن ونى باقىتتى ەتە المايمىن، پروبلەما مەندە» دەپ ويلاۋى مۇمكىن.

ايەل ەنەرگياسى. ءسوزسىز، ەر ادامعا ايەلدىڭ سىرت كەلبەتى جانە پاراساتتىلىعى ۇنايدى، ءبىراق ونى تەك ايەلدىڭ ىشكى جاعدايى ۇستاپ قالا الادى. ەر ادام ايەلدىڭ جانىندا ساناسىز تۇردە ونىڭ ىشكى كۇيىن سەزەدى. ولار ايەلدىك ەنەرگياسى بار، وزىنە سەنىمدى جانە وزىنە ءتان حاريزماسى بار ايەلگە تارتىلادى. ايەلدىڭ ەنەرگياسى ەركەكتى جاڭا جەتىستىكتەرگە جەتەلەيدى. ەر ادام مۇنداي ايەلمەن بايلانىسقان كەزدە ءوزىن كۇشتى، سەنىمدى، قاجەت جانە ەرجۇرەك سەزىنەدى. ەگەر ءسىزدىڭ ايەلدىگىڭىز دامىماعان بولسا، وندا ەركەك جاعىمسىزدىق سەزەدى.

اقپارات دەرەككوزى: https://massaget.kz/basty-zhaalytar-438/89174/