الماتى مەكتەپتەرىندە وقۋشىلارعا سپورتتىق اياقكيىم كيۋگە بولا ما
«مەكتەپ فورماسى وقۋ- اعارتۋ مينيسترلىگىنىڭ بۇيرىعى بويىنشا بەكىتىلدى. ياعني، مۇندا مەكتەپ فورماسىنا قويىلاتىن ءبىرىڭعاي تالاپتار بەكىتىلگەن، ول ءبىلىم بەرۋ ۇيىمىمەن انىقتالادى، ءبىراق بۇيرىقتا جازىلادى. بىز ايتقانداي، بىرىڭعاي مەكتەپ فورماسى، بالالاردىڭ ۇقىپتى كەلبەتى بولۋى كەرەك. ءاربىر ءبىلىم بەرۋ ۇيىمى، ءاربىر مەكتەپتە ءبىرىڭعاي تالاپتار بار. سپورتتىق اياق كيىمگە كەلەتىن بولساق، اياق كيىمنىڭ كلاسسيكالىق كورىنىسى بولۋى كەرەك. ناقتى تالاپتار قوسىمشا قويىلماعان»،- دەدى ءلاززات جىلقىبايەۆا.
بۇعان دەيىن الماتى قالالىق ءبىلىم باسقارماسىنىڭ وكىلدەرى 2023 -جىلى مەكتەپ فورماسى قالاي وزگەرەتىنىن ايتقان بولاتىن.
ەر بالالارعا ارنالعان مەكتەپ فورماسى:
- پيدجاك، جيلەت، شالبار، مەرەكەلىك جەيدە، كۇندەلىكتى جەيدە، نە تۇيمەلەرى بار نەمەسە سىدىرمالى توقىلعان كۇرتە (كارديگان)، پولو جەيدە نەمەسە تەننيسكا (قىس مەزگىلىندە: تريكوتاج جيلەت، ۆودولازكا). ۇلدارعا ارنالعان شالبارلار ەركىن تىگىلگەن جانە ۇزىندىعى بويىنشا توبىقتى جاۋىپ تۇرادى.
قىز بالالارعا ارنالعان مەكتەپ فورماسى:
- پيدجاك، جيلەت، بەلدەمشە، شالبار، كلاسسيكالىق جەيدە، نە تۇيمەلەرى بار نەمەسە سىدىرمالى توقىلعان كۇرتە (كارديگان)، پولو جەيدە نەمەسە تەننيسكا (قىسقى ۋاقىتتا: تريكوتاج جيلەت، سارافان، ۆودولازكا). قىزدارعا ارنالعان شالبارلار ەركىن تىگىلگەن جانە ۇزىندىعى بويىنشا توبىقتى جاۋىپ تۇرادى.
