شىعىس قازاقستاندا بىرنەشە تراسسادا كولىك قوزعالىسىنا تىيىم سالىنادى

وسكەمەن. قازاقپارات - شىعىس قازاقستان وبلىسىنداعى بىرنەشە جولدا كولىك قوزعالىسى ۋاقىتشا شەكتەلەدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وبلىس اۋماعىندا 19 -تامىزدان باستاپ اباي قۇنانباي ۇلى اتىنداعى ۆەلوسيپەد سپورتى بويىنشا ق ر چەمپيوناتى ءوتىپ جاتىر.

جارىس 28-تامىزعا دەيىن جالعاسپاق.

«وسىعان وراي، بىرنەشە تاسجولدا كولىك قوزعالىسىنا ۋاقىتشا شەكتەۋ ەنگىزىلەدى. اتاپ ايتقاندا، 21 -تامىزدا وسكەمەن- سامار تاسجولىنىڭ 1-60 شاقىرىمىندا، 22 - تامىزدا وسكەمەن- التاي تاسجولىنىڭ 1-55 شاقىرىمىندا، 23-تامىزدا وسكەمەن- سامار تاسجولىنىڭ 1-59 شاقىرىمىندا، 25-تامىزدا وسكەمەن- تاۋلى ءۇلبى تاسجولىنىڭ 21-55 شاقىرىمىندا، وسكەمەن- التاي تاسجولىنىڭ 1-55 شاقىرىمىندا، 26-تامىزدا وسكەمەن- تاۋلى ءۇلبى تاسجولىنىڭ 1-25 شاقىرىمىندا، 27-تامىزدا وسكەمەن- التاي تاسجولىنىڭ 1-55 شاقىرىمىندا جانە وسكەمەن- تاۋلى ءۇلبى تاسجولىنىڭ 21-55 شاقىرىمىندا»، - دەلىنگەن اقپاراتتا.

دەپارتامەنت وكىلدەرى حالىقتان اتالعان تاسجولدار بويىنشا قوزعالىستى الدىن الا جوسپارلاپ الۋدى سۇرايدى.