بۇگىن ەلدىڭ باتىسىندا قاتتى ىستىق كۇتىلەدى

None
استانا. قازاقپارات – 20-تامىزدا جوعارى قىسىم القابىنىڭ اسەرىنەن قازاقستاننىڭ باسىم بولىگىندە كۇن رايى نەگىزىنەن جاۋىن- شاشىنسىز بولادى.

تەك ەلدىڭ سولتۇستىگىندە، وڭتۇستىك- باتىسىندا جانە وڭتۇستىك- شىعىسىندا، تاۋلى ايماقتارىندا فرونتالدى بولىكتەردىڭ وتۋىمەن قۇبىلمالى اۋا رايى ساقتالادى: نايزاعايمەن قوسا وتكىنشى جاڭبىر جاۋادى، بۇرشاق ءتۇسۋى ىقتيمال. رەسپۋبليكا بويىنشا ەكپىندى جەل بولجانادى. قازاقپارات بۇل تۋرالى «قازگيدرومەتكە» سىلتەمە جاساپ حابارلايدى.

اتاپ ايتقاندا، كۇندىز اتىراۋ، باتىس قازاقستان، اقتوبە وبلىستارىنىڭ باتىسى مەن وڭتۇستىگىندە، ماڭعىستاۋ وبلىسىنىڭ سولتۇستىك- شىعىسىندا 35-39 گرادۋسقا دەيىن قاتتى ىستىق كۇتىلەدى.

اتىراۋ، ماڭعىستاۋ، جامبىل، قىزىلوردا، اقتوبە وبلىستارىندا، قوستانايدىڭ وڭتۇستىگىندە، الماتىنىڭ سولتۇستىگىندە، تۇركىستان وبلىسى مەن باتىس قازاقستان وبلىسىنىڭ ورتالىعىندا ءورت تۇتانۋدىڭ اسا جوعارى قاۋپى كۇتىلەدى.

سولتۇستىك قازاقستان، قاراعاندى، ۇلىتاۋ وبلىسىندا، الماتى وبلىسىنىڭ وڭتۇستىگىندە، اقمولا وبلىسىنىڭ باتىسى مەن سولتۇستىگىندە، باتىس قازاقستان وبلىسىنىڭ سولتۇستىگىندە، جەتىسۋ وبلىسىنىڭ باتىسىندا ءورت شىعۋ قاۋپى جوعارى بولادى.

سوڭعى جاڭالىقتار