اقتاۋ- استانا رەيسى تەحنيكالىق اقاۋعا بايلانىستى كەشىككەن
اۋە كومپانياسى ۇشاقتىڭ كەشىگۋ سەبەبىن اۋە كەمەسىنە قوسىمشا تەحنيكالىق قىزمەت كورسەتۋ قاجەتتىگىمەن ءتۇسىندىردى، دەپ حابارلايدى قازاقپارات Lada.kz-كە سىلتەمە جاساپ.
Scat اۋە كومپانياسىنىڭ ۇشاعى اقتاۋدان استاناعا 18-تامىز تاڭعى ساعات 6 دا ۇشۋى ءتيىس ەدى.
جولاۋشىلاردىڭ ايتۋىنشا، اۋە كومپانياسى ولارعا رەيستىڭ كەشىگەتىنىن ەسكەرتپەگەن. وعان قوسا، وسى ۋاقىت ىشىندە ولارعا رەيستىڭ كىدىرۋ سەبەبىن دە ەشكىم تۇسىندىرمەگەن. ولار اۋەجاي قىزمەتكەرلەرىنەن سۇراپ بىلگەن - كەشىگۋ سەبەبى تەحنيكالىق اقاۋمەن بايلانىستى بولعان.
«ۇشۋعا دايىندىق الدىندا قوسىمشا تەحنيكالىق قىزمەت كورسەتۋ قاجەت ەكەنى انىقتالدى. جولاۋشىلارعا كۇتۋ كەزىندە بارلىق قاجەتتى زات ۇسىنىلدى، سونىڭ ىشىندە تاماق تا بار. جولاۋشىلاردىڭ قاۋىپسىزدىگى - اۋە كومپانياسىنىڭ باستى الەۋەتى»، - دەپ ءتۇسىندىردى Scat اۋە كومپانياسىنان.
