قاراعاندىلىق كيبەرپوليتسەيلەر كامەلەت جاسقا تولماعان الاياقتى ۇستادى
جابىرلەنۋشىلەرگە كەلتىرىلگەن شىعىن كولەمى - 15 ميلليون تەڭگە.
«جابىرلەنۋشىلەر قاراعاندى وبلىسىندا عانا ەمەس، باسقا وڭىرلەردە دە بار ەكەنى انىقتالدى. كۇدىكتىلەردى ۇستاۋ وپەراتسياسىنا پوليتسيا قىزمەتكەرلەرىمەن قوسا، بالالاردى قورعاۋ ۇيىمىنان دا وكىلدەر قاتىستى. ويتكەنى كۇدىكتىلەردىڭ ءبىرى كامەلەت جاسقا تولماعان. ولاردى ۇستاۋ وپەراتسياسى الماتى جانە تالدىقورعان قالالارىندا جۇرگىزىلدى.
17 جاستاعى ءجاسوسپىرىم مەن ونىڭ سەرىكتەسى - الماتى قالاسىنىڭ 54 جاستاعى تۇرعىنى الەۋمەتتىك جەلى ارقىلى ارزان باعاعا تەلەفون ساتامىز دەپ حابارلاما جاريالاعان.
ولاردى ۇستاۋ بارىسىندا كۇدىكتىلەردەن Apple 256Gb ماركالى ماكبۋك، تاپسىرىس بەرۋشىلەر جازىلعان قويىن كىتاپشا، Beeline, Activ, Tele2 وپەراتورلارىنىڭ بەس SIM- كارتاسى، 5 ميلليون 453 مىڭ تەڭگە اقشا، Instagram الەۋمەتتىك جەلىسىنە بايلانىستىرىلعان IPhone 14 تەلەفونى تاركىلەنىپ، الىندى»، - دەلىنگەن حابارلامادا.
ءمالىم ەتىلگەندەي، قازىرگى ۋاقىتتا اتالعان دەرەك بويىنشا ءتيىستى تەرگەۋ ارەكەتتەرى جۇرگىزىلىپ جاتىر. ۇستالعانداردىڭ وسىعان ۇقساس باسقا دا قىلمىستارعا قاتىسى بار- جوعى انىقتالىپ جاتىر.
