ەلوردا جاستارىن نە مازالايدى

None
Фото: gov.kz
استانا. قازاقپارات - ەلوردادا جاستاردى قولداۋ جانە قىزمەت كورسەتۋ ورتالىقتارى بار. ول جەرگە جاستار ءوزىن تولعاندىرعان ماسەلەلەرگە جاۋاپ ىزدەپ بارادى.

وسى ورايدا استانا جاستارىن كوبىنە قانداي جايتتار تولعاندىراتىنى بەلگىلى بولدى، دەپ حابارلايدى قازاقپارات ءتىلشىسى

«جاستارعا قىزمەت كورسەتۋ ورتالىقتارى 2021 -جىلدان باستاپ جۇمىس ىستەيدى جانە اقپاراتتىق- كونسۋلتاتسيالىق كومەك بەرەدى. مۇندا كەلۋشىلەر جاستاردى قولداۋعا باعىتتالعان مەملەكەتتىك باعدارلامالار تۋرالى اقپارات الا الادى. جاستار ساياساتى ماسەلەلەرى باسقارماسىنىڭ ءىس- شارالارىنىڭ نەگىزگى بولىگى قازاقستان رەسپۋبليكاسىنىڭ 2023-2029 -جىلدارعا ارنالعان مەملەكەتتىك جاستار ساياساتى تۇجىرىمداماسىن ىسكە اسىرۋ جوسپارى شەڭبەرىندە وتكىزىلەدى»، - دەدى استانا قالاسى جاستار ساياساتى ماسەلەلەرى باسقارماسىنىڭ باسشىسى قايرات قامباروۆ قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

بۇگىندە ەلوردانىڭ 4 اۋدانىندا جاستارعا قىزمەت كورسەتۋ ورتالىقتارى جۇمىس ىستەپ تۇر.

«ماماندار مەملەكەتتىك تۇرعىن ءۇي باعدارلامالارى، جۇمىسقا ورنالاستىرۋ، جاستاردىڭ باستامالارىن قولداۋ، ۆولونتەرلىك قىزمەت، سونداي-اق بوس ۋاقىتتى ءتيىمدى ءارى تەگىن وتكىزۋ ماسەلەلەرى بويىنشا كەڭەس بەرەدى. تەگىن زاڭگەرلىك جانە پسيحولوگيالىق كومەك كورسەتەدى. 2022 -جىلى ورتالىقتارعا 10 مىڭعا جۋىق جاس ادام جۇگىندى. ەلوردالىق جاستاردى كوبىنە تۇرعىن ءۇي الۋ، سونداي-اق جۇمىسقا ورنالاسۋ ماسەلەلەرى قىزىقتىرادى. وتىنىشتەردىڭ %90 ى وسىعان بايلانىستى»، - دەيدى ول.

سوڭعى جاڭالىقتار