قاراعاندىداعى «قازاقستان» شاحتاسىندا قازا بولعان كەنشىنىڭ اتى-ءجونى انىقتالدى

None
pixabay.com
قاراعاندى. قازاقپارات - قاراعاندى وبلىسىنداعى «قازاقستان» شاحتاسىندا قازا بولعان كەنشىنىڭ اتى-ءجونى انىقتالدى، دەپ حابارلايدى قازاقپارات.

««قازاقستان» شاحتاسىنداعى ءورت سالدارىنان كومپانيا قىزمەتكەرى 1965 -جىلى تۋعان سليۋنكوۆ ۆيتالي ۆلاديميروۆيچ (جەراستى ەلەكتر سلەسارى، 5-سانات، ەڭبەك ءوتىلى 39 جىل). مارقۇمنىڭ وتباسىنا قايعىرا كوڭىل ايتامىز»، - دەلىنگەن «ارسەلورميتتال تەميرتاۋ» مالىمەتىندە.

قالعان جۇمىسشىلاردى ىزدەستىرۋ جالعاسىپ جاتىر.

«قازىرگى ۋاقىتتا جەلدەتۋدىڭ دۇرىس رەجيمىن قالپىنا كەلتىرۋ جانە كەنشىلەرىمىزدى ىزدەۋدى جالعاستىرۋ ءۇشىن ءورتتى وقشاۋلاۋ جۇمىستارى جۇزەگە اسىپ جاتىر. قۇتقارۋ قىزمەتتەرىنىڭ 12 بولىمشەسى جۇمىس ۇستىندە. مارقۇمنىڭ وتباسىنا قايعىرىپ كوڭىل ايتامىز، ولارعا بارىنشا قولداۋ كورسەتىلەدى»، - دەيدى «ارسەلورميتتال تەمىرتاۋ» ا ق اتقارۋشى ديرەكتورى ۆيكتور گافيۋلوۆ.

ايتىلىپ وتكەندەي، كومپانيا اپات سەبەپتەرىن تولىق تەرگەۋ ءۇشىن مەملەكەتتىك ورگاندارمەن بىرىگىپ جۇمىس ىستەپ جاتىر.

ەسكە سالايىق، ءورت 17-تامىز كۇنى ساعات 10:05-تە تۇتاندى. اپات كەزىندە جەر استىندا 227 كەنشى بولدى. 222 ادامدى جەر بەتىنە جەدەل كوتەرۋ مۇمكىن بولدى، سەگىزى زارداپ شەكتى. 4 جۇمىسشىنى ىزدەستىرۋ جالعاسىپ جاتىر.

مەملەكەت باسشىسى قاسىم-جومارت توقايەۆ ۇكىمەتكە جانە قاراعاندى وبلىسىنىڭ اكىمدىگىنە اپات سەبەپتەرىنە جان- جاقتى تەرگەۋ جۇرگىزۋ، سونداي-اق زارداپ شەككەندەرگە قاجەت بارلىق كومەكتى كورسەتۋ جونىندە تاپسىرما بەردى.

«اسكەريلەندىرىلگەن كاسىبي اپاتتىق-قۇتقارۋ قىزمەتى» رەسپۋبليكالىق ورتالىق شتابىنىڭ قاراعاندى وبلىسى بويىنشا فيليالى ديرەكتورىنىڭ ءبىرىنشى ورىنباسارى گەننادي سيلينسكي شاحتادا ادامداردى ىزدەستىرۋ قالاي ءجۇرىپ جاتقانىن ايتتى.

سوڭعى جاڭالىقتار