ش ق و-دا ايەلىن قورقىتۋ ءۇشىن پوليتسياعا جالعان ارىز تۇسىرگەن ەر ادام سوتتالدى

None
وسكەمەن. قازاقپارات - شىعىس قازاقستان وبلىسىندا ايەلىن قورقىتۋ ءۇشىن پوليتسياعا جالعان ارىز تۇسىرگەن ەر ادام سوتتالدى، دەپ حابارلايدى قازاقپارات ءتىلشىسى.

ش ق و بويىنشا ق ا ج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ۇلان اۋدانىنىڭ تۇرعىنى پوليتسياعا جالعان ارىز تۇسىرگەنى ءۇشىن 2 جىلعا باس بوستاندىعىن شەكتەلدى. ەر ادام ايەلىن قورقىتۋ ءۇشىن وسىنداي قادامعا بارعان.

ازامات جۇبايىمەن تەلەفون ارقىلى جانجالداسىپ قالعان. وتباسىنداعى اۆتوكولىكتىڭ يەسى بولعان ايەلى وعان كولىكتى جەكە ماقساتتارىنا ءجيى پايدالاناتىنىن ايتىپ سوككەن. سوعان اشۋلانعان كۇيەۋى اعاسىنا حابارلاسىپ، كولىكتى گاراجىنا جەتكىزىپ بەرۋىن ءوتىندى. كەيىن پوليتسياعا كولىكتىڭ ۇرلانعانىن حابارلادى.

«ءتارتىپ ساقشىلارى ەر ادامعا جالعان حابار بەرىپ جاتسا ق ر ق ك-نىڭ 419 بابىنا سايكەس قىلمىستىق جاۋاپكەرشىلىككە تارتىلاتىنى تۋرالى ەسكەرتكەن. الايدا ول مۇنى ەلەمەي، زاڭعا قايشى ارەكەتىن قاساقانا جالعاستىردى. قازىرگى ۋاقىتتا سوتتالعان ش ق و ۇلان اۋداندىق پروباتسيا قىزمەتىنىڭ ەسەبىندە تۇر»، - دەلىنگەن اقپاراتتا.

سوڭعى جاڭالىقتار