كوكشەتاۋدا جولعا جۇگىرىپ شىققان جاس ءوسپىرىمدى كولىك قاعىپ كەتتى

None
Видеодан алынған кадр
كوكشەتاۋ. قازاقپارات - كوكشەتاۋدا جولعا جۇگىرىپ شىققان جاس ءوسپىرىمدى كولىك قاعىپ كەتتى.

جول-كولىك وقيعاسى جەدەل باقىلاۋ ورتالىعىنىڭ بەينەكامەراسىنا ءتۇسىپ قالدى، دەپ حابارلايدى قازاقپارات ءتىلشىسى اقمولا وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ،

«بيىلعى تامىزدىڭ 16 دا ساعات 11:04 تە كوكشەتاۋ قالالىق پوليتسيا باسقارماسىنىڭ جەدەل باقىلاۋ ورتالىعىنىڭ ينسپەكتورلارى بەينەباقىلاۋ كامەراسى ارقىلى پۋشكين كوشەسىندەگى №6 ۇيگە قاراما-قارسى، «بامبينو» دۇكەنىنىڭ جانىندا جاس ءوسپىرىمدى اۆتوكولىك سوققانىن بايقادى. دەرەۋ سول ماڭدى پاترۋلدەپ جۇرگەن ەكيپاجاعا حابارلاندى»، - دەيدى پ د باسپا ءسوز قىزمەتى.

بەلگىلى بولعانداي، سولتۇستىك قازاقستان وبلىسىنىڭ 32 جاستاعى تۇرعىنى باسقارعان Toyota Land Cruiser كولىگى جولدىڭ رۇقسات ەتىلمەگەن تۇسىنان جۇگىرىپ وتپەك بولعان جاس ءوسپىرىمدى قاعىپ كەتكەن. سالدارىنان زارداپ شەككەن جاس ءوسپىرىم «يىقتىڭ جابىق سىنىعى، وڭ اياعى تىزەسىنىڭ سىنۋى جانە شىعۋى» دياگنوزىمەن وبلىستىق بالالار اۋرۋحاناسىنا جاتقىزىلدى.

«قازىرگى كەزدە وسى وقيعاعا بايلانىستى قىلمىستىق كودەكستىڭ 345-بابىنىڭ 2-بولىگى «كولىك قۇرالدارىن باسقاراتىن ادامداردىڭ جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى» بويىنشا سوتقا دەيىنگى تەرگەۋ امالدارى جۇرگىزىلۋدە»، - دەپ تولىقتىردى ۆەدومستۆودان.


سوڭعى جاڭالىقتار