قاراعاندىداعى كومىر شاحتاسىندا زارداپ شەككەندەردىڭ اراسىندا ەكى ادام جانساقتاۋ بولىمىندە جاتىر
«ماقاجانوۆ اتىنداعى كلينيكاعا 8 شاحتەر جەتكىزىلدى. ولاردىڭ ەكەۋى جانساقتاۋ بولىمىندە جاتىر، ەسىن بىلەدى، الايدا، جاعدايلارى اۋىر دەسە بولادى. 6 ادام توكسيكولوگيا بولىمىندە جاتىر. ولاردىڭ جاعدايى ورتاشا اۋىر»، - دەدى وبلىستىق دەنساۋلىق ساقتاۋ باسقارماسىنىڭ وكىلدەرى.
ايتا كەتەيىك، بۇگىن، 17- تامىز كۇنى ساعات 10:05 تە «قازاقستان» شاحتاسىندا كومىر ەڭىسىن يگەرۋ بارىسىندا كونۆەيەرلىك تاسپا ورتەندى. اپاتتى جويۋ جوسپارى ەنگىزىلدى.
شاحتادا 227 ادام بولعان، ولاردىڭ 182 ءسى ەۆاكۋاتسيالانىپ، 45 ادام شاحتادا قالىپ قويدى.
كەيىنىرەك 222 ادامنىڭ ەۆاكۋاتسيالانعانى حابارلاندى. قاۋىپسىز جەرگە شىعارىلعان 13 ادام باس اۋرۋى مەن جوتەلگە شاعىمدانعان. ال 5 ادامنىڭ تاعدىرى بەلگىسىز ەدى.
كەيىنىرەك شاحتادا جاپا شەككەندەردىڭ سانى 8 ادامعا جەتكەنى حابارلاندى.
قاراعاندى وبلىسىنداعى شاحتاداعى ورتكە بايلانىستى قىلمىستىق ءىس قوزعالدى.
