قازاقستاندىقتار كولىك ءنومىرىن جاڭا يەسىنە ونلاين بەرە الادى

None
استانا. قازاقپارات - 2024-جىلدىڭ شىلدەسىنەن باستاپ قازاقستاندىقتار مەملەكەتتىك تىركەۋ نومىرلەرىن جاڭا يەسىنە ونلاين رەجيمىندە بەرە الادى.

بۇل تۋرالى سيفرلىق دامۋ ءمينيسترى باعدات مۋسين ايتتى، - دەپ حابارلايدى قازاقپارات.

«بۇگىنگى تاڭداعى ەڭ ۇلكەن جەتىستىكتىڭ ءبىرى - 2024-جىلدىڭ شىلدەسىنەن باستاپ قازاقستاندىقتار كولىك ءنومىرىن، دالىرەك ايتساق، مەملەكەتتىك تىركەۋ ءنومىرى بەلگىلەرىن جاڭا يەسىنە ونلاين رەجيمىندە بەرە الۋى. بۇرىن كولىك ساتىپ العاندا - ءتىپتى ونلاين ترانزاكتسيا جاساعاندا - جاڭا يەسى جاڭا ءنومىر الۋ ءۇشىن ارنايى ح ق و- عا كەلۋى كەرەك ەدى. ەندى بۇل قاجەتتىلىك جويىلدى. سونىمەن قاتار، سۇرانىسى جوعارى كولىك نومىرلەرىن جاقىن تۋىستارىنا بەرۋ مۇمكىندىگىن جاساۋدى قولعا الدىق»، - دەدى مينيستر.

تاعى ءبىر ماڭىزدى جاڭالىق بار. مەنشىك يەسى تۇرعىلىقتى جەرىن اۋىستىرعان كەزدە سۇرانىسقا يە مەملەكەتتىك تىركەۋ نومىرلىك بەلگىلەرىنىڭ قايتا تىركەلۋىن الىپ تاستاعىمىز كەلەدى، دەيدى مينيستر.

سونىمەن قاتار، اۆتوكولىكتى باستاپقى تىركەۋ كەزىندە تاپسىرۋعا ءتيىستى قۇجاتتارىنىڭ سانى ازايدى، كەيبىر جاعدايلاردا ارنايى ح ق و- عا بارۋ قاجەتتىلىگى جويىلادى.


سوڭعى جاڭالىقتار