مينيستر قاي وبلىستاردا بالالارعا قاتىستى زورلىق-زومبىلىق ءجيى بولاتىنىن ايتتى

None
تۇركىستان. قازاقپارات - بالالارعا قاتىستى زورلىق-زومبىلىق قىلمىسى كوبىنە جامبىل، پاۆلودار، اتىراۋ، الماتى، قىزىلوردا وبلىستارىندا بولعان.

بۇل تۋرالى اقپارات جانە قوعامدىق دامۋ ءمينيسترى دارحان قىدىرالى تۇركىستاندا وتكەن جيىندا مالىمدەدى، دەپ حابارلايدى قازاقپارات ءتىلشىسى.

ەلىمىزدە كامەلەتكە تولماعاندارعا جىنىستىق تيىسپەۋشىلىككە قارسى قىلمىس بويىنشا جازاسىن وتەگەن 374 ادام رەسمي تىركەلگەن.

ىشكى ىستەر مينيسترلىگىنىڭ مالىمەتى بويىنشا مۇنداي قىلمىسكەرلەردىڭ جاسى – 21 دەن 82 جاسقا ارالىعىن قامتيدى. سونداي-اق جىل باسىنان بەرگى جارتى جىلدىڭ ىشىندە بالالارعا زورلىق-زومبىلىق كورسەتكەن قىلمىستىڭ كوبى جامبىل، پاۆلودار، اتىراۋ، الماتى، قىزىلوردا وبلىستارىندا بولعان.

«قازاقستانداعى بۇلدىرشىندەرگە قاتىگەزدىكپەن ءجابىر كورسەتكەندەر، ەڭ الدىمەن وزدەرى تانيتىن، جاقىن ارالاساتىن ادامدار ەكەنى انىقتالعان. ول قاتاردا بالالاردىڭ وگەي اكەلەرى جانە اناسىمەن بىرگە تۇراتىن ءۇشىنشى ادام، ودان كەيىن ءتىپتى تۋىستارى مەن تۋعان اكەلەرى تۇر. ەڭ سوڭعى ورىندا - كورشىلەرى»، - دەدى مينيستر.

ايتا كەتەيىك، تۇركىستان قالاسىندا «قازاقستانداعى بالالارعا قاتىستى زورلىق-زومبىلىقتىڭ الدىن الۋ» تاقىرىبىندا دوڭگەلەك ۇستەل ءوتىپ جاتىر.


سوڭعى جاڭالىقتار