الماتى پوليتسياسى ايەلدەردى سوڭىنان اڭدىپ، ءتيىسىپ جۇرگەن جاس جىگىتكە ىزدەۋ سالدى

الماتى. قازاقپارات - الماتى قالاسى بوستاندىق اۋدانىندا ايەلدەردى سوڭىنان اڭدىپ، ولارعا ءتيىسىپ جۇرگەن ەر ادامدى پوليتسيا ىزدەستىرىپ جاتىر، دەپ حابارلايدى قازاقپارات ءتىلشىسى.

ول جىگىتتىڭ ۆيدەوسى جەلىدە تارادى.

«جاس جىگىت بوستاندىق اۋدانىندا ايەلدەردى اڭدىپ ءجۇرىپ، ولاردىڭ ۇياتتى جەرىنە ءتيىسىپ شابۋىلداپ ءجۇر. مىنا ۆيدەودا ول پودەزد الدىنداعى تالداردىڭ اراسىنا تىعىلىپ، ءبىر قىزدى اڭدىعان، پودەزگە بىرگە كىرگەن سوڭ ليفتىدە قىزعا شابۋىل جاساعان. قىز ونى تەۋىپ جىبەرگەن سوڭ جىگىت تەز قاشىپ كەتكەن»، - دەلىنەدى ۆيدەوداعى جازبادا.

الماتى قالالىق پوليتسيا دەپارتامەنتى وقيعا بويىنشا بوستاندىق اۋدانىنىڭ پوليتسيا باسقارماسى ق ر زاڭناماسىنا سايكەس تەكسەرىس باستاعانىن حابارلادى.