تالعار اۋدانىنداعى جولداردىڭ بىرىندە ءبىر توپ اتتى كىسى كوكپار تارتقان

استانا. قازاقپارات - الماتى وبلىسى تالعار اۋدانىنداعى جولداردىڭ بىرىندە ءبىر توپ ادام كوكپار تارتقان، دەپ حابارلايدى ق ر ءى ءى م باسپا ءسوز قىزمەتى.

«14-تامىزدا الەۋمەتتىك جەلىلەرگە مونيتورينگ جۇرگىزۋ بارىسىندا تالعار اۋدانى اۆتوجولدارىنىڭ بىرىندە 10 ادامنان قۇرالعان توپ كوكپار ۇلتتىق ويىنىن ويناپ، سول ارقىلى كولىك قۇرالدارىنىڭ جول قوزعالىسىنا كەدەرگى كەلتىرگەن بەينەجازبا انىقتالعانىن حابارلايمىز.

اتالعان دەرەك تالعار اۋدانىنىڭ پ ب- دا دەرەۋ تىركەلدى.

تەكسەرۋ بارىسىندا وقيعانىڭ 12-تامىزدا بولعانى انىقتالدى، قازىرگى ۋاقىتتا وسى دەرەك بويىنشا ق ر ا ق ب ت ك 434-بابىنىڭ 1-بولىگى بويىنشا اكىمشىلىك ءىس جۇرگىزۋ باستالدى» دەلىنگەن حابارلامادا.

ۆەدومستۆونىڭ مالىمەتىنە ساي، ءىس ماتەريالدارى سوتقا جولدانىپ، ونىڭ شەشىمى بويىنشا كىنالى تۇلعالار قولدانىستاعى زاڭناما شەڭبەرىندە جاۋاپقا تارتىلاتىن بولادى.