21:27, 14 - تامىز 2023 | GMT +6
تۇركيادا جول اپاتىنان جاراقات العان ءبىر قازاقستاندىق اۋرۋحانادا جاتىر
استانا. قازاقپارات – ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ تۇركيادا جول اپاتىنان جاراقات العان قازاقستاندىقتار تۋرالى ايتىپ بەردى، دەپ حابارلايدى قازاقپارات.
اپتالىق بريفينگتە تىلشىلەر تۇركياداعى جول اپاتىنان زارداپ شەككەندەر تۋرالى سۇرادى.
«ولاردىڭ كوپشىلىگى قازاقستانعا ورالدى. ەندى ءبىر ادام اۋرۋحانادا جاتىر. قالعاندارىنىڭ جاعدايى ءبىرقالىپتى»، - دەپ جاۋاپ بەردى ايبەك سمادياروۆ.
ەسكە سالا كەتەلىك، بۇدان بۇرىن الانيادا قازاقستاندىق تۋريستەر مىنگەن اۆتوبۋس جۇك كولىگىنە سوعىلىپ، 2 ادام كوز جۇمعانى حابارلانعان ەدى.
اۋىر جاراقات العان ەكى قازاقستاندىق تۇركيا اۋرۋحاناسىندا كوز جۇمدى.
بارلىق مەديتسينالىق جانە رەپاترياتسيالاۋ شىعىندارى ساقتاندىرۋ كومپانياسىنىڭ ەسەبىنەن تولەنگەن.
