قازاقستاندىقتاردىڭ دەپوزيتتەردە قانشا اقشاسى بار؟
بۇل جىل باسىمەن سالىستىرعاندا 1,1 تريلليون تەڭگەگە جوعارى. جىل باسىنان بەرى جەكە تۇلعالاردىڭ سالىمدارىنىڭ ءوسىمى بويىنشا Kaspi.kz كوشباسشى بولدى. سالىم 541,7 ميلليارد تەڭگەگە وسكەن. بۇل قازاقستانداعى باسقا ەكىنشى دەڭگەيدەگى بانكتەردىڭ ناتيجەلەرىنەن بىرنەشە ەسە ارتىق. بيىلعى ماۋسىمنىڭ اياعىنا قاراي جەكە تۇلعالاردىڭ بانكتەگى سالىمدار پورتفەلى 4,2 تريلليون تەڭگەگە جەتكەن.
ەكىنشى قاتارعا ەۋرازيالىق بانك تۇراقتاعان، جەكە تۇلعالار دەپوزيتى 155,5 ميلليارد تەڭگەگە دەيىن وسكەن - 1 تريلليون تەڭگە. ۇزدىك ۇشتىكتى Freedom Finance Bank قورىتىندىلاپ تۇر. دەپوزيتتەر 134,4 ميلليارد تەڭگەگە ءوسىپ، 443,7 ميلليارد تەڭگەگە جەتكەن.
«ەكىنشى دەڭگەيلى بانكتەردەگى دەپوزيتتەر كولەمىنىڭ ءوسۋى كليەنتتەردىڭ دەپوزيتتەردى ءوز قارجىسىن ساقتاۋ مەن ارتتىرۋدىڭ سەنىمدى قۇرالى رەتىندە قاراستىراتىنىن كورسەتەدى»، - دەدى ساراپشىلار.
قازاقستاندا 21 ەكىنشى دەڭگەيلى بانك بار. ەلدەگى ەڭ ءىرى 5 بانك بارلىق دەپوزيتتەردىڭ 80 پايىزدان استامىن بىرىكتىرەدى.
«جالپى العاندا، جەكە تۇلعالاردىڭ ەل بانكتەرىندەگى سالىمدارى جاھاندىق گەوساياسي كۇيزەلىستەرگە قاراماستان ۇزاق مەرزىمدى قارقىنمەن ءوسىپ جاتىر. ءبىر جىل ىشىندە مۇنداي سالىمداردىڭ سوماسى 4,3 تريلليون تەڭگەگە ءوستى. ەگەر بەس جىلدىق كەزەڭدى قاراستىراتىن بولساق، وندا سوما 2 ەسەدەن اسادى، ال ون جىلدا - 5 ەسەگە جۋىق ءوستى»، - دەدى ساراپشىلارى.
