قازاقستاندا العاش رەت بانان وسىرىلە باستادى
تۇركىستان وبلىسىندا ونەركاسىپتىك كولەمدە بانان وندىرىلە باستايدى.
«تۇرىكتىڭ Gengroup Qazaqstan كومپانياسى وڭىردە بانان وتىرعىزىلعان 5,3 گەكتار جىلىجاي كەشەنىن سالدى. قازاقستاننىڭ كليماتتىق جاعدايلارىنا بەيىمدەلگەن باناننىڭ سورتى ارنايى ءوسىرىلدى.
جاقىن ارادا جىلىجاي تاعى 5 گەكتارعا كەڭەيتىلەدى، بۇل جىلىنا شامامەن 1000 توننا بانان وندىرۋگە مۇمكىندىك بەرەدى. العاشقى ءونىمدى 6-8 ايدان كەيىن جيناۋ جوسپارلانىپ وتىر. ەكزوتيكالىق جەمىستەردەن باسقا، جىلىجايدا قىزاناق پەن قۇلپىناي وسىرىلەدى»، - دەلىنگەن حابارلامادا.
جوبانىڭ قۇنى ءبىرىنشى كەزەڭدە 4 ميلليون ا ق ش دوللار بولعان.
«تۇرىك كومپانياسى قۇرىلىس كەزىندە جوعارى بەرىكتىگى بار قۇرىلىمداردى پايدالاندى، جىلىجايلار كليماتتىق باقىلاۋمەن جانە بەيىمدەلگىش قورەكتەندىرۋ جۇيەسىمەن جابدىقتالعان، بۇل وسىمدىكتەردىڭ گەنەتيكالىق الەۋەتىن ءتىپتى قولايسىز اۋا رايىندا دا تولىق اشۋعا مۇمكىندىك بەرەدى»، - دەلىنگەن حابارلامادا.
