جۇرگىزۋشى كۋالىگىنە ەمتيحانداردى تاپسىرۋ ەرەجەلەرى وزگەردى
سىبايلاس جەمقورلىققا قارسى قىزمەت ءى ءى م- مەن بىرلەسىپ ارنايى ح ق ك و قىزمەتىنە مونيتورينگ جۇرگىزدى. وعان سەبەپكەر بىرنەشە جىل بويى كولىك قۇرالدارىن زاڭسىز رەسىمدەۋمەن اينالىسقان قىلمىستىق توپقا قاتىستى قىلمىستىق ىستەر بولدى.
سىبايلاس جەمقورلىققا قارسى مونيتورينگ بارىسىندا اۆتوكولىكتەردى زاڭسىز تىركەۋ جانە جۇرگىزۋشى كۋالىكتەرىن بەرۋ شارتتارى انىقتالدى. اقپاراتتىق جۇيەلەردىڭ وسالدىعى، پروتسەستەردى جەتكىلىكسىز سيفرلاندىرۋى، اۆتوكولىكتى تىركەۋ ءراسىمىنىڭ جەتىلدىرىلمەگەندىگى، ەمتيحانداردى قابىلداۋ ءراسىمىنىڭ قۇقىقتىق ولقىلىقتارى، اۆتومەكتەپتەردە ءاتۇستى وقىتۋ - وسى فاكتورلاردىڭ بارلىعى زاڭسىز دەلدالدىق قىزمەتتەردىڭ پايدا بولۋىنا ىقپال ەتتى.
مونيتورينگ ناتيجەلەرى بويىنشا سىبايلاس جەمقورلىققا قارسى ءىس-قيمىل اگەنتتىگى ۋاكىلەتتى مەملەكەتتىك ورگانداردىڭ اتىنا 22 ۇسىنىس جولدادى. قازىرگى تاڭدا ۇسىنىستاردىڭ جارتىسىنان كوبى ورىندالدى.
ماسەلەن، ءى ءى م ءوزىنىڭ بارلىق اۋماقتىق بولىمشەلەرىندە اۆتوكولىك قۇرالدارىنىڭ دەرەكقورىن تۇزەتۋگە قولجەتىمدىلىكتى جاپتى. سونىمەن قاتار، ىشكى ىستەر ءمينيسترىنىڭ بۇيرىعىمەن جۇرگىزۋشى كۋالىكتەرىن بەرۋ ءراسىمى كۇشەيتىلدى. وندا ەمتيحان الۋشىلاردىڭ مىندەتتى بيومەترياسى مەن تەستىلەۋدىڭ بارلىق پروتسەسىن بەينەتىركەۋ ەنگىزىلدى، ەمتيحانداردى قايتا تاپسىرۋ رەگلامەنتى وزگەرتىلدى.
«پيلوتتىق رەجيمدە ارنايى ح ق ك و مەن ءى ءى م- دە جاڭا اقپاراتتىق جۇيەلەر ىسكە قوسىلدى. جۇيەدە اۆتوموبيلدەردىڭ دەرەكتەرىن، مىندەتتى تولەمدەر مەن الىمداردى، ايىپپۇلداردى اۆتوماتتى سيفرلىق سالىستىرۋ تەتىكتەرى كوزدەلگەن، كەز كەلگەن تۇزەتۋلەر ءۇشىن مۇمكىندىكتەر الىنىپ تاستالدى.
سونىمەن قاتار، ارنايى ح ق ك و قىزمەتكەرلەرىن سىبايلاس جەمقورلىق قۇقىق بۇزۋشىلىق سۋبەكتىلەرىنە جاتقىزۋ ۇسىنىلدى. زاڭ جوباسى ق ر پارلامەنتىندە قارالىپ جاتىر. قابىلدانىپ جاتقان شارالارعا قاراماستان، مامانداندىرىلعان ح ق ك و- لاردا قۇجاتتاردى رەسىمدەۋگە كومەك ۇسىناتىن تۇلعالار ءالى دە بولۋى مۇمكىن. «كومەكشىلەردىڭ» زاڭسىز قىزمەتتەرىنە جۇگىنبەۋىڭىزدى سۇرايمىز. ەگەر ءسىز وسىنداي فاكتىلەرگە تاپ بولساڭىز، وندا انتيكورعا 1424 قىسقا ءنومىرى بويىنشا دەرەۋ حابارلاڭىز»، - دەلىنگەن حابارلامادا.
ارنايى ح ق ك و قىزمەتىندەگى سىبايلاس جەمقورلىق فاكتورلارىن جويۋ انتيكوررۋپتسيالىق قىزمەتتىڭ باقىلاۋىندا.
