اقتاۋلىق تاكسيست جولاۋشىلارىنا ءان ايتىپ بەرەدى - ۆيدەو
زەينەتكەر نۇرلىباي باتىحوۆ بوس ۋاقىتىندا جولاۋشىلارعا تاكسي قىزمەتىن ۇسىنادى.
ەڭ قىزىعى ول كولىگىنە مىنگەن ءاربىر جولاۋشىعا جاقسى كوڭىل كۇي سىيلاۋ ءۇشىن ءان ورىنداپ بەرەدى.
65 جاستاعى نۇرلىباي باتىحوۆ ءۇش قىز، ءۇش ۇلىنان 10 نەمەرە ءسۇيىپ وتىر.
ءان ايتۋعا دەگەن قىزىعۋشىلىعى بالا كەزىنەن باستالعان. ءتۇرلى قوعامدىق ءىس- شارالارعا قاتىسقان.
زەينەتكەردىڭ ايتۋىنشا، جولاۋشىلار ونىڭ شىرقاعان ءانىن قۋانا تىڭدايدى. ءتىپتى كەيبىرەۋلەرى ءاندى قوسىلىپ ايتادى ەكەن.
«كولىگىمە ءارتۇرلى جولاۋشى مىنەدى. بىردە ءبىر قىزىق جاعداي بولعان. اناسى مەن بالاسى ەمحاناعا بارا جاتىر ەكەن. مەن جول بويى بوس وتىرماي، قالانى تانىستىرىپ، ءان ايتىپ بەردىم. ءبىر كەزدە ءبۇلدىرشىن كولىكتەن تۇسپەي، تاعى ءان ايتۋىمدى سۇرادى. نە ىستەرىمدى بىلمەي، كىشكەنتايعا نەمەرەلەرىم بار ەكەنىن، ولاردىڭ مەنى كۇتىپ وتىرعانىن ايتۋىما تۋرا كەلدى»، - دەيدى نۇرلىباي باتىحوۆ.
Посмотреть эту публикацию в Instagram
