حالىقارالىق جارىستا قازاقستاندىق سامبوشىلار ەكى التىن الدى

استانا. قازاقپارات - بەلارۋستە ءوتىپ جاتقان ت م د ەلدەرىنىڭ ويىندارىندا ەل قۇراماسىنان سامبوشىلار مەن كاراتەشىلەر جۇلدەلى ورىندارعا يە بولدى، دەپ حابارلايدى قازاقپارات ءتىلشىسى.

ق ر م س م سپورت جانە دەنە شىنىقتىرۋ ىستەرى كوميتەتى سپورتتى دامىتۋ ديرەكتسياسىنىڭ باسپا ءسوز قىزمەتىنىڭ حابارلاۋىنشا، سامبودان جارىس جلوبين قالاسىندا وتكىزىلدى.

العاشقى كۇنى سامبودان ەل قۇراماسى قۇراماسى 2 التىن جانە 3 قولا مەدال الدى. قازاقستاندىق جاسۇلان ناريمانوۆ (58 كەلى) پەن ارنۇر قۋاتاي (71 كەلى) ءوز سالماعىندا قارسىلاس شاق كەلتىرگەن جوق.

ال ەلامان قويشىبايەۆ (88 كەلى)، ايجان جىلقىبايەۆا (50 كەلى)، شىنار اباتوۆا (72 كەلى) قولا جۇلدەگەر اتاندى.

WKF كاراتەدەن العاشقى جارىس كۇنىندە كاتا باعدارلاماسىندا ليا قوشقاربايەۆا التىن الدى. ال كۋميتە باعدارلاماسىندا ءابىلمانسۇر باتىرعالي كۇمىس مەدال يەگەرى بولدى.

ەسكە سالساق، بۇدان بۇرىن تمد ەلدەرىنىڭ ويىندارىندا قازاقستاندىق سۋعا جۇزۋشىلەر ءۇش مەدال جەڭىپ الدى.