قازاقستاندىق قۇرىلىسشىلار كاسىبي مەرەكەسىن اتاپ وتۋدە
قۇرىلىس سالاسى قىزمەتكەرلەرىنىڭ كاسىبي مەرەكەسى جىل سايىن تامىز ايىنىڭ ەكىنشى جەكسەنبىسىندە تويلانادى. «قازاقستان رەسپۋبليكاسىنداعى مەرەكەلەر تىزبەسىن بەكىتۋ تۋرالى» ۇكىمەتتىڭ 2017-جىلعى 31- قازانداعى 689№ قاۋلىسىمەن بەكىتىلگەن.
ك س ر و ىدىراعاننان كەيىن كاسىبي مەرەكەنى ارمەنيادا، بەلارۋستە، قىرعىزستاندا، رەسەيدە، ۋكراينادا قۇرىلىسقا تىكەلەي قاتىسى بار بارلىق ازاماتتار جىل سايىن وسى كۇنى اتاپ وتەدى.
بۇل مەرەكەنىڭ تاريحى كەڭەس وداعى كەزىنەن باستالادى. 1955-جىلى ك س ر و جوعارعى كەڭەسى پرەزيديۋمىنىڭ جارلىعىمەن جاڭا كاسىبي مەرەكە بەلگىلەندى. ەكىنشى دۇنيەجۇزىلىك سوعىس بىتكەننەن كەيىن مەملەكەتتى قالپىنا كەلتىرگەن، وتان يگىلىگى ءۇشىن ەڭبەك ەتكەن قۇرىلىسشىلاردىڭ ەڭبەگىنە مەملەكەت تاراپىنان قۇرمەت كورسەتىلدى.
ءداستۇر بويىنشا بۇل كۇنى نەمەسە ءبىر كۇن بۇرىن قۇرىلىس سالاسىنىڭ ارداگەرلەرى قۇتتىقتالىپ، الدىڭعى قاتارلى قۇرىلىس كومپانيالارى مەن سالادا ەڭبەك سىڭىرگەن قىزمەتكەرلەر ماراپاتتالادى. وسى ماقساتتا «قۇرمەتتى قۇرىلىسشى» توسبەلگىسى تاعايىندالدى.
