بۇگىن-ەرتەڭ الماتى تاۋلارىندا سەل ءجۇرۋى مۇمكىن

الماتى. قازاقپارات - الماتى تاۋلارىندا سەل ءقاۋپى جوعارى دەپ جاريالاندى. وسىعان بايلانىستى توتەنشە جاعدايلار دەپارتامەنتى تۇرعىندارعا تاۋعا شىقپاۋ كەرەكتىگىن ەسكەرتتى، دەپ حابارلايدى قازاقپارات ءتىلشىسى.

«قۇرمەتتى تۋريستەر، الماتى قالاسىنىڭ تۇرعىندارى مەن قوناقتارى! سۋ تاسقىنىندا قالىپ قويساڭىزدار، قۇتقارۋعا مۇمكىندىك بولماۋى مۇمكىن. وسىعان وراي ىلە الاتاۋىنا بارماعانىڭىز ءجون»، - دەپ ەسكەرتتى دەپارتامەنت وكىلدەرى.

سەل قاۋپى بار جەردە نە ىستەۋ كەرەك:

- تاۋداعى جاعداي تۋرالى بۇقارالىق اقپارات قۇرالدارىنىڭ حابارلارىن ۇنەمى قاداعالاپ وتىرۋ؛

- ەگەر قاۋىپ تونسە، نەمەسە كەنەتتەن سەل بولسا، رەلەفتىڭ ەڭ بيىك نۇكتەسىنە كوتەرىلىڭىز؛

- سەل قاۋپى بار كانالداردىڭ جانىندا، كوپىرلەردە (بوگەتتەردە) جانە ولاردىڭ استىندا شاتىر تىكپەۋ، ايالداماۋ.

«قازگيدرومەت» تاراتقان ەسكەرتۋ نەگىزىندە الماتىنىڭ تاۋلى اۋداندارىندا جانە ونىڭ ىرگەلەس اۋماقتارىندا جاۋىن-شاشىننىڭ جالعاسۋىنا بايلانىستى 12-13- تامىز كۇندەرى وزەندەردەگى سۋ دەڭگەيى كوتەرىلەدى. كىشى الماتى وزەندەرى الابىندا سەل ءجۇرۋى مۇمكىن»، - دەپ حابارلادى ۆەدومستۆودان.

بۇگىن الماتىدا قاتتى نوسەر جاۋدى. جاڭبىر سۋى قالا كوشەلەرىن الىپ كەتتى.

12-13- تامىز كىشى الماتى وزەندەرى الابىندا قاتتى جاۋىن-شاشىننىڭ تۇسۋىنە بايلانىستى سەل قالىپتاسۋ قاۋپى بار.

2023-جىلعى 12-13- تامىزدا الماتى وبلىسىندا، الماتى ق. جانە وعان ىرگەلەس اۋماقتاردا جاۋعان جانە جالعاسىپ جاتقان نوسەر جاڭبىرعا بايلانىستى بەتكەيلەردە اعىندى سۋلاردىڭ پايدا بولۋى جانە وزەندەردە سۋ دەڭگەيىنىڭ كوتەرىلۋى، ارناسىنان تاسۋى جانە سۋ باسۋى كۇتىلۋى مۇمكىن.