قازاق قىزى تەننيستەن قىتايداعى تۋرنيردىڭ فينالىنا شىقتى

استانا. قازاقپارات - قازاقستاندىق تەننيسشى جىبەك قۇلامبايەۆا توپىراق توسەنىشىندەگى ITF تۋرنيرىنىڭ جۇپتىق كەزەڭىندە فينالعا شىقتى.

جارىس قىتايدىڭ اننين ەلدى مەكەنىندە ءوتىپ جاتىر، دەپ حابارلايدى قازاقپارات Sports.kz-كە سىلتەمە جاساپ.

ج. قۇلامبايەۆا 19 جاستاعى تاي سپورتشىسى لانلان تارارۋديمەن بىرگە قىتايلىق دۋەت - لي زونگۋي - ۋشۋان چجەنمەن ويناۋى ءتيىس بولعان. الايدا ولاردىڭ قارسىلاستارى كەزدەسۋگە كەلمەي قالدى. سول سەبەپتى قۇلامبايەۆا مەن تارارۋدي كەلەسى كەزەڭگە ءوتتى.

اقتىق سىندا قازاق-تاي جۇبى قىتايلىق سپورتشىلار گۋو - يانعا قارسى وينايدى.

ايتا كەتەيىك، كەشە جەكە سىننىڭ 1/8 فينالىندا 23 جاستاعى جىبەك قۇلامبايەۆا قىتايلىق تەننيسشى يۋفەي رەننەن جەڭىلىپ، جارىستى اياقتاعان بولاتىن.