پوليتسيا كولىگىن باسشىلاردىڭ ءبىرىنىڭ تۋىسى باسقارعان: ءى ءى م اقپاراتتى راستادى
بۇل مالىمەتتى ىشكى ىستەر مينيسترلىگىندە راستادى، دەپ حابارلايدى قازاقپارات polisia.kz-كە سىلتەمە جاساپ.
«الەۋمەتتىك جەلىلەردى مونيتورينگىلەۋ بارىسىندا پوليتسيانىڭ قىزمەتتىك كولىگى بەينەلەنگەن ۆيدەو انىقتالدى. رۋلدى جاس جىگىت تىزگىندەگەن. اۆتوكولىكتى پوليتسيا دەپارتامەنتى بولىمشەلەرىنىڭ ءبىرىنىڭ باسشىسىنىڭ تۋىسى باسقارعانى انىقتالدى.
قاراتاۋ اۋداندىق پوليتسيا ءبولىمىنىڭ قىزمەتكەرلەرى لاۋازىمدى تۇلعاعا قاتىستى ق ر اكىمشىلىك قۇقىقبۇزۋشىلىق تۋرالى كودەكستىڭ 612-بابى 5-بولىگى («قۇجاتتارى جوق جانە باسقارۋ قۇقىعى جوق ادامنىڭ كولىك قۇرالىن باسقارۋى») بويىنشا اكىمشىلىك حاتتاما تولتىرعانىن حابارلايمىز.
قازىرگى ۋاقىتتا وسى فاكتى بويىنشا شىمكەنت قالاسى پوليتسيا دەپارتامەنتىنىڭ جەكە قۇرام بويىنشا ينسپەكتسياسى قىزمەتتىك تەرگەۋ جۇرگىزىپ جاتىر. ونىڭ ناتيجەسى بويىنشا لاۋازىمنان شەتتەتۋگە دەيىنگى تارتىپتىك ىقپال ەتۋ شاراسى قابىلداناتىن بولادى»، - دەلىنگەن پوليتسيا تۇسىنىگىندە.
