شىمكەنت گۇل دۇكەنىندەگى وقيعا: بۇزاقىنىڭ قاسىندا كىرىستەر دەپارتامەنتىنىڭ قىزمەتكەرى بولعان
«شىمكەنت قالاسىنداعى گۇل دۇكەنىندەگى وقيعاعا قاتىستى الەۋمەتتىك جەلىلەردە تاراعان بەينەجازبادا قۇقىق بۇزۋشىنىڭ قاسىندا بولعان ەكىنشى تۇلعا - ەڭبەكشى اۋدانى بويىنشا مەملەكەتتىك كىرىستەر باسقارماسى باسشىسىنىڭ ورىنباسارى د. ەلقوندى. وسىعان بايلانىستى شىمكەنت قالاسى بويىنشا مەملەكەتتىك كىرىستەر دەپارتامەنتى تاراپىنان ءمان-جايدى انىقتاۋ ماقساتىندا 10- تامىزدا قىزمەتتىك تەرگەۋ تاعايىندالدى»، - دەلىنگەن رەسمي حابارلامادا.
اقپاراتتا ايتىلعانداي، د. ەلقوندىنىڭ جاۋاپكەرشىلىك ماسەلەسى تارتىپتىك كوميسسيا وتىرىسىندا قارالادى.
سونداي-اق شىمكەنت قالالىق كىرىستەر كوميتەتىنەن، قابىلدانعان شارالار تۋرالى قوسىمشا حابارلاناتىنى ايتىلدى.
ەسكە سالا كەتەيىك، گۇل دۇكەنىندەگى ۆيدەوعا قاتىستى شىمكەنت پروكۋراتۋراسى تۇسىنىك بەرگەن ەدى.
كەيىن ىشكى ىستەر مينيسترلىگى شىمكەنتتەگى گۇل دۇكەنىندە ەكى بولەك وقيعا بولعانىن حابارلاپ، ءار جايت بويىنشا رەسمي اقپاراتتاندىردى.
