فرانسيادا جانارماي تاعى قىمباتتادى

بريۋسسەل. قازاقپارات - فرانسيانىڭ جانارماي قۇيۋ ستانتسيالارىندا جانارماي باعاسى تاعى كوتەرىلىپ جاتىر.

95 ماركالى بەنزيننىڭ ءليترى تامىز ايىنىڭ باسىندا ورتا ەسەپپەن 1,93 ەۋروعا (947 تەڭگە) جەتتى، دەپ حابارلايدى قازاقپارات مەنشىكتى ءتىلشىسى.

ەلدە ديزەلدىك وتىن دا قىمباتتاپ، 1 ءليترى 1,83 ەۋرونى (902 تەڭگە) قۇرادى.

سونىمەن قاتار فرانسيادا شىلدە ايىندا ينفلياتسيا دەڭگەيى 2023 -جىلدىڭ ماۋسىم ايىنداعى 4,50 پايىزدان 4,30 پايىزعا تومەندەدى. بۇل 2022 -جىلدىڭ اقپانىنان بەرگى ەڭ تومەنگى كورسەتكىش.

ساراپشىلاردىڭ پىكىرىنشە، ينفلياتسيانىڭ تومەندەۋى ەلدە ەنەرگيا باعاسىنىڭ تومەندەۋىمەن جانە ازىق- تۇلىك پەن ونەركاسىپتىك تاۋارلار باعاسىنىڭ ءبىرشاما قالىپتى وسۋىمەن بايلانىستى.