ماگيستراتۋراعا گرانت كونكۋرسىنا قۇجات قابىلداۋ باستالدى

استانا. قازاقپارات - بۇگىن ماگيستراتۋراعا ءبىلىم گرانتتارىن تاعايىنداۋ كونكۋرسىنا قاتىسۋ ءۇشىن قۇجات قابىلداۋ باستالدى. ول 20- تامىزعا دەيىن (قوسا العاندا) جوعارى وقۋ ورىندارىنىڭ قابىلداۋ كوميسسيالارى، ونىڭ ىشىندە ۆيرتۋالدى قابىلداۋ كوميسسيالارى ارقىلى جۇزەگە اسىرىلادى، دەپ حابارلايدى قازاقپارات.

عىلىم جانە جوعارى ءبىلىم مينيسترلىگىنىڭ مالىمەتى بويىنشا، 40 مىڭنان استام ادام ماگيستراتۋراعا ءتۇسۋ ءۇشىن ەمتيحان تاپسىرعان. وقۋعا تۇسۋشىلەردىڭ %41 نەمەسە 16 مىڭنان استام ادام شەكتى بالل جينادى. ولار گرانت كونكۋرسىنا قاتىسا الادى.

ماگيستراتۋرادا وقۋعا ارنالعان ءبىلىم بەرۋ گرانتتارى كەشەندى تەستىلەۋ ناتيجەلەرى بويىنشا كونكۋرستىق نەگىزدە تاعايىندالادى. گرانت كونكۋرسىنا قۇجاتتاردى قابىلداۋ 11-20- تامىز ارالىعىندا ج و و- لاردىڭ قابىلداۋ كوميسسيالارى، ونىڭ ىشىندە ونلاين ۆيرتۋالدى كوميسسيالار ارقىلى جۇزەگە اسىرىلادى. ياعني، بولاشاق ماگيسترانتتار قۇجاتتارىن ءداستۇرلى جانە ونلاين فورماتتا تاپسىرا الادى.