قازاقستاندىقتار كوبىنە نە ءۇشىن اجىراسادى
ۆەدومستۆونىڭ مالىمەتىنشە، وسى جىلدىڭ 1- شىلدەسىنەن باستاپ «نەكە (ەرلى-زايىپتىلىق) جانە وتباسى تۋرالى» كودەكستىڭ 1-بابى 1-تارماعىنىڭ 2-تارماقشاسىنا سايكەس، «ازاماتتارعا ارنالعان ۇكىمەت» مەملەكەتتىك كورپوراتسياسى ازاماتتىق حال اكتىلەرىن تىركەۋشى ورگان سانالادى. كورپوراتسيا ازاماتتىق حال اكتىلەرىن مەملەكەتتىك تىركەۋدى جانە ازاماتتىق حال اكتىلەرىن مەملەكەتتىك تىركەۋگە بايلانىستى مەملەكەتتىك كورسەتىلەتىن قىزمەتتەردىڭ باسقا دا تۇرلەرىن جۇزەگە اسىرادى. ال، ادىلەت مينيسترلىگىنە مەملەكەتتىك دەرەكتەر قورلارىن جانە اقپاراتتىق جۇيەلەردى جۇرگىزۋ، ادىستەمەلىك جانە نورماتيۆتىك قامتاماسىز ەتۋ فۋنكتسيالارى قالدىرىلدى. تىركەۋشى ورگان قىزمەتىن «ا ح ا ج تىركەۋ پۋنكتى» اقپاراتتىق جۇيەسى ارقىلى ەلەكتروندى تۇردە جۇرگىزەدى.
«تىركەۋشى ورگان كامەلەتكە تولماعان بالالارى جوق جانە ەرلى-زايىپتىلىققا قاتىستى داۋلار بويىنشا نەكەنى ەرلى-زايىپتىلاردىڭ ءوزارا كەلىسىمى نەگىزىندە بۇزۋى مۇمكىن. ازاماتتار ءوزارا كەلىسىمى بويىنشا اجىراسۋعا ءوتىنىش بەرگەن كەزدە، اجىراسۋىنىڭ نەگىزگى سەبەبىن «مىنەزدەرىنىڭ كەلىسپەۋشىلىگى» دەپ كورسەتەدى. نەكەلەردىڭ باسىم بولىگى سوت شەشىمى نەگىزىندە بۇزىلعان»، - دەپ اتاپ وتەدى مينيسترلىكتەن اگەنتتىكتى رەسمي ساۋالىنا وراي.
ەلىمىزدە 2020-جىلدان باستاپ سوت شەشىمى نەگىزىندە نەكە بۇزۋدى تىركەۋ ءتارتىبى اۆتوماتتاندىرىلعان. اتالعان مالىمەتتەر «احاج تىركەۋ پۋنكتى» اقپاراتتىق جۇيەسىنە جوعارعى سوتتىڭ «تورەلىك» اقپاراتتىق جۇيەسىنەن كەلىپ تۇسەدى جانە نەكە قيۋ تۋرالى اكتى جازباسىنا نەكەنىڭ بۇزىلعاندىعى تۋرالى بەلگى قويىلادى.
«ا ح ا ج تىركەۋ پۋنكتى» اقپاراتتىق جۇيەسى مالىمەتتەرىنە سايكەس، 2022-جىلدىڭ 1- جارتىجىلدىعىندا كامەلەتكە تولماعان بالالارى جوق ەرلى-زايىپتىلاردىڭ نەكەسىن (ەرلى-زايىپتىلىعىن) بۇزۋعا ءوزارا كەلىسكەن كەزدە تىركەۋشى ورگانداردا نەكەنى بۇزۋ تۋرالى 9192 اكت تىركەلگەن. 2023-جىلدىڭ 1- جارتىجىلدىعىندا نەكەنى بۇزۋ تۋرالى 8345 اكت تىركەلىپ وتىر»، - دەدى ۆەدومستۆودان.
