الماتىدا اباي كۇنى قالاي تويلاندى
الماتىدا قازاقتىڭ كەمەڭگەر اقىنى جانە ۇلى ويشىلى اباي قۇنانبايەۆتىڭ 178 جىلدىعى قۇرمەتىنە وراي ونىڭ ەسكەرتكىشىنە گۇل شوقتارىن قويۋ ءراسىمى ءوتتى. ءىس-شاراعا قازاقستان جازۋشىلار وداعىنىڭ ءتوراعاسى مەرەكە قۇلكەنوۆ، اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى كەنجەحان ماتىجانوۆ، مەملەكەتتىك قوعام قايراتكەرى نۇرلان ورازالين، الماتى قالاسى ءماسليحاتىنىڭ دەپۋتاتتارى، اقىن-جازۋشىلار جانە ت. ب. قاتىستى.
«بۇگىن ەلىمىز ءۇشىن ەرەكشە مەيرام - ۇلى اقىن اباي قۇنانبايەۆتىڭ تۋعان كۇنى. اباي قۇنانبايەۆتىڭ تۇلعاسى قازاق حالقىنىڭ عانا ەمەس، بۇكىل الەمنىڭ ومىرىندە ماڭىزدى ورىن الادى. اباي جيدەبايدا دۇنيەگە كەلگەن. الايدا ءار قازاق «اباي - ءبىزدىڭ اقىنىمىز» دەپ ماقتان تۇتادى»، - دەپ اتاپ ءوتتى ءوز سوزىندە جازۋشىلار وداعى باسقارماسىنىڭ ءتوراعاسى مەرەكە قۇلكەنوۆ.
اباي ەسكەرتكىشىنىڭ الدىندا سونداي-اق وقۋشىلار مەن جاستار اباي قۇنانبايەۆتىڭ تانىمال شىعارمالارىنان ۇزىندىلەر وقىدى. قازاقتىڭ ۇلى اقىنى مەن اعارتۋشىسىنىڭ شىعارمالارىن سۇيەتىندەر ءۇشىن ورتالىق قالالىق كىتاپحانادا «ۇلى اباي حالىق جۇرەگىندە» اتتى دوڭگەلەك ۇستەل ءوتتى. وسىدان سوڭ «الاتاۋ» ءداستۇرلى كوركەم تەاترىندا «اباي مۇراسى - قازاق قازىناسى» اتتى ادەبي-مۋزىكالىق قويىلىم كورسەتىلدى.
ەسكە سالايىق، اباي كۇنى – ق ر ۇكىمەتىنىڭ 2020-جىلعى 4- تامىزداعى قاۋلىسىنا سايكەس قازاقستاندا مەرەكەلىك كۇن بولىپ اتاپ وتىلەدى.
