استانالىقتار پاتەر ساتۋ مەن ساتىپ الۋدى جيىلەتتى
ماۋسىممەن سالىستىرعاندا بۇل شامامەن 1,5 ەسە نەمەسە 2,2 مىڭعا ارتىق. قازىر بۇل كورسەتكىش 2022 -جىلدىڭ ناۋرىزىنان بەرگى ەڭ جوعارى دەڭگەيدە تۇر، دەپ حابارلايدى قازاقپارات ءبىرىنشى كرەديتتىك بيۋروعا سىلتەمە جاساپ.
بۇل رەتتە استانا مامىلەلەر سانى بويىنشا ءداستۇرلى كوشباسشى - الماتىدان وزدى. ەلوردادا ساتىلعان ۇيلەر الماتىعا قاراعاندا 1,5 مىڭعا كوبىرەك. مۇنداي الشاقتىق وتە سيرەك كەزدەسەدى، سوڭعى رەت 2022 -جىلدىڭ قىركۇيەگىندە بايقالعان.
نەلىكتەن ەلوردادا پاتەر ساتىپ الۋ جيىلەدى؟
استانادا جاسالعان بارلىق مامىلەلەردىڭ %45,4 ءبىر بولمەلى پاتەرلەر قۇرادى (رەسپۋبليكالىق كورسەتكىشتە - %28,6). ولار جالپى ءوسىمنىڭ نەگىزگى بولىگىن - %56,2 قۇرادى. ماۋسىم ايىندا 1,8 مىڭ ءبىر بولمەلى پاتەر ساتىلسا، شىلدەدە - 3 مىڭى ساتىلعان.
ەلوردادا ءبىر بولمەلى پاتەر ساتۋدىڭ ءوسۋى جالپى جاعدايدىڭ وزگەرۋىنە دە اسەر ەتتى. اقپان ايىنان باستاپ العاش رەت ءبىر بولمەلى پاتەرلەر ساتىلىمى بۇكىل ەل بويىنشا ەكى بولمەلى پاتەر ساتىلىمىنان اسىپ ءتۇستى.
