پورنويندۋستريا سالاسىنداعى ترانسۇلتتىق ۇيىمداسقان قىلمىستىق توپ اشكەرەلەندى
مودەلدىك اگەنتتىكتىڭ اتىن جامىلىپ، ولار پورنوگرافيالىق ماتەريالداردى دايىنداۋمەن جانە تاراتۋمەن اينالىسقان. ماسەلەن، قىلمىستىق توپتىڭ مۇشەلەرى ۇزاق ۋاقىت بويى الەۋمەتتىك جەلى ارقىلى 2 ميلليون تەڭگەگە دەيىن اي سايىنعى تولەمدى ۋادە ەتىپ، 18 دەن 25 جاسقا دەيىنگى قىزداردى تارتقان.
قىزدار اتالعان قىزمەتتەن باس تارتقان جاعدايدا قىلمىسكەرلەر ولارعا پسيحولوگيالىق قىسىم كورسەتىپ، ايىپپۇل سالعان. توپتىڭ ىشىندە ناقتى رولدەرى بەلگىلەنگەن ۇيىمداستىرۋشىلار، باسشىلار، ازعىرىپ كوندىرۋشىلەر، اكىمشىلەر، IT ماماندار مەن بۋحالتەرلەر بولعان.
انىقتالعانداي، قىلمىستىق توپتىڭ قاراجات اينالىمى سوڭعى بەس جىلدا 3 ميلليارد تەڭگەدەن اسادى. پوليتسيا قىزمەتكەرلەرى استانا، الماتى، شىمكەنت، اقتوبە جانە قاراعاندى قالالارىندا قىزداردىڭ ينتيمدى ۆيدەولارىن تاۋلىك بويى كورسەتۋگە ارنالعان 79 كەڭسە مەن پاتەر انىقتادى.
ارنايى وپەراتسيا بارىسىندا اتالعان قالالاردا ءبىر ۋاقىتتا 138 ءتىنتۋ جۇرگىزىلىپ، 80 نەن استام كومپيۋتەرلىك جابدىق، شامامەن ءبىر كيلوگرامم ەسىرتكى قۇرالى جانە 69 مىڭنان استام ا ق ش دوللارى تاركىلەندى.
«پوليتسياعا بارلىعى 118 ادام جەتكىزىلىپ، قىلمىستىق توپتىڭ 13 نەگىزگى ۇيىمداستىرۋشىسى، ونىڭ ىشىندە ءۇش شەتەل ازاماتى ۋاقىتشا ۇستاۋ يزولياتورىنا قامالدى. قازىرگى ۋاقىتتا ءى ءى م تەرگەۋ دەپارتامەنتى ترانسۇلتتىق قىلمىستىق توپ قۇرۋ، وعان باسشىلىق ەتۋ جانە قاتىسۋ فاكتىسى بويىنشا سوتقا دەيىنگى تەرگەپ-تەكسەرۋ جۇرگىزىپ جاتىر. قىلمىستىق توپتىڭ نەگىزگى مۇشەلەرىنە مۇلكى تاركىلەنىپ، 20 جىلعا دەيىن باس بوستاندىعىنان ايىرۋ جازاسى قاراستىرىلادى»، - دەدى ءى ءى م ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.
