شىلدەدە ەلىمىزدە قانشا باسپانا ساتىلدى

استانا. قازاقپارات - ۇلتتىق ستاتيستيكا بيۋروسى شىلدە ايىندا ەلىمىزدە قانشا باسپانا ساتىلعانىن ءمالىم ەتتى، دەپ حابارلايدى قازاقپارات.

وتكەن شىلدە ايىندا باسپانانى ساتۋ- ساتىپ الۋ بويىنشا 34225 مامىلە جاسالعان. ونىڭ ىشىندە 8781 سى جەكە ۇيلەر، 25444 پاتەرلەر بويىنشا.

2023 -جىلدىڭ ماۋسىم ايىمەن سالىستىرعاندا (29880) تۇرعىن ءۇيدى ساتۋ-ساتىپ الۋ 14,5 پايىز ارتقان.

باسپانا نارىعىنداعى ساۋدا- ساتتىق بويىنشا كوش باستاپ تۇرعان وڭىرلەر:

- استانا قالاسى (6675 - 19,5 پايىز)،

- الماتى قالاسى (5217 - 15,2 پايىز)،

- قاراعاندى وبلىسى (3118 - 9,1 پايىز)،

ساتۋ- ساتىپ الۋ كەلىسىمدەرى ەڭ از جاسالعان ءوڭىر:

- ۇلىتاۋ وبلىسى (425 - 1,2 پايىز).

شىلدەدە 1 بولمەلى پاتەرلەر جوعارى سۇرانىسقا يە بولعان. بارلىعى 25444 مامىلەنىڭ 9779 ى وسىنداي ۇيلەر بويىنشا جاسالدى. ساۋدانىڭ نەگىزگى ۇلەسى استانا (25,8 پايىز)، الماتى (18,3 پايىز) قالالارىنا جانە قاراعاندى وبلىسىنا (10 پايىز) تيەسىلى.

سونداي-اق وتكەن ايدا ماۋسىم ايىمەن سالىستىرعاندا جەكە تۇرعىن ۇيلەرگە سۇرانىس 11,3 پايىز ارتىپ، 8781 كەلىسىم جاسالعان. وڭ كورسەتكىش ەلىمىزدىڭ بارلىق وڭىرىندە بايقالدى.

جالپى بيىلعى شىلدەدە وتكەن جىلدىڭ ءتيىستى كەزەڭىمەن سالىستىرعاندا ساتىپ الۋ 12,6 پايىز ارتقان. ول كەزدە 30393 مامىلە جاسالعان بولاتىن. ەڭ جوعارىم ءوسىم كورسەتكىشى استانا قالاسىندا (52 پايىزعا) تىركەلدى.