استانادا جاڭادان بالالار اۋرۋحاناسى سالىنادى

استانا. قازاقپارات - ەلورداداعى ەسىل جانە نۇرا اۋداندارىندا بالا سانىنىڭ ارتۋىنا بايلانىستى №4 بالالار اۋرۋحاناسىن سالۋ جوسپارلانىپ وتىر. بۇل جوبا قازىر پىسىقتالىپ جاتىر، دەپ حابارلايدى قازاقپارات ءتىلشىسى.

قالا اكىمدىگى «قازاقپارات» ح ا ا- نىڭ ساۋالىنا بەرگەن جاۋابىندا ايتىلعانداي، قازىر استانادا ءۇش بالالار ستاتسيونارى بار، ولارداعى ناۋقاستى قابىلدايتىن بولمەلەر 98 پايىزعا جابدىقتالعان. جىل سايىن قالادا جەرگىلىكتى بيۋدجەت ەسەبىنەن ماتەريالدىق- تەحنيكالىق جاراقتاندىرۋ ىسكە اسىرىلىپ جاتىر.

سونىمەن قاتار بالالار تراۆماتولوگيالىق پۋنكتىنىڭ جۇكتەمەسىن ازايتۋ باعىتىندا №2 قالالىق كوپسالالى اۋرۋحاناسىنىڭ بازاسىندا ءتيىستى قابىلداۋ- دياگنوستيكالىق كەشەننىڭ قۇرىلىسى ءجۇرىپ جاتىر.

«مۇنىمەن قوسا، استانا قالاسىنىڭ ەسىل جانە نۇرا اۋداندارىندا جۇمىس ىستەپ تۇرعان اۋرۋحانالارعا جۇكتەمەنىڭ ارتۋىنا جانە بالالار سانىنىڭ وسۋىنە بايلانىستى جاڭا بالالار (№4) اۋرۋحاناسىنىڭ جوباسى پىسىقتالىپ جاتىر»، - دەلىنگەن اكىمدىك مالىمەتىندە.