ديرەكتور مەكتەپ قىزمەتكەرلەرىن جازعى جوندەۋ جۇمىستارىنا تارتۋعا قۇقىعى بار ما

وسكەمەن. قازاقپارات – ش ق و مەملەكەتتىك ەڭبەك ينسپەكسياسىنان مەكتەپ ديرەكتورىنىڭ قىزمەتكەرلەردى جازعى جوندەۋ جۇمىستارىنا تارتۋعا قۇقىعى بار-جوقتىعى تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

«ق ر ەڭبەك كودەكسىندە جانە وزگە دە زاڭداردا كوزدەلگەن كەيبىر جاعدايلاردى قوسپاعاندا، قىزمەتكەردەن ەڭبەك شارتىندا جوق جۇمىستاردى ورىنداۋدى تالاپ ەتۋگە تىيىم سالىنادى. ياعني، جۇمىسشىنىڭ مىندەتتەرى ەڭبەك شارتىندا نەمەسە قىزمەتتىك مىندەتتەردە ناقتى بەلگىلەنۋى كەرەك. ال جۇمىس بەرۋشىنىڭ ەڭبەك شارتىندا كوزدەلمەگەن جۇمىستاردى ورىنداۋ جونىندەگى تالاپتارى قوسىمشا تولەنۋى ءتيىس»، - دەپ حابارلادى باسقارمادان.

ەڭبەك كودەكسىنىڭ 111-بابى 2-تارماعىنىڭ 2-تارماقشاسىنا سايكەس جۇمىسشىنىڭ ءوز مىندەتىنەن باسقا تاعى دا لاۋازىمداردى ورىنداعانى نەمەسە ۋاقىتشا بولماعان قىزمەتكەردىڭ مىندەتتەرىن ورىنداعانى ءۇشىن قوسىمشا اقىلاردىڭ مولشەرى ورىندالعان جۇمىس كولەمىنە سايكەس جۇمىس بەرۋشى مەن قىزمەتكەردىڭ اراسىنداعى كەلىسىم بويىنشا بەلگىلەنەدى.

ەگەر مەكتەپ ۇجىمىن ەڭبەك كەلىسىمشارتىندا كورسەتىلمەگەن جۇمىستاردى ىستەۋگە ماجبۇرلەسە ش ق و مەملەكەتتىك ەڭبەك ينسپەكتسياسى باسقارماسىنا وسكەمەن قالاسى كارل ليبكنەحت كوشەسى، 19-مەكەنجايىنا كەلىپ نەمەسە 87232256502 تەلەفون ءنومىرى ارقىلى شاعىمدانا الادى.

اۆتور:

تالعاتجان مۇحامەتبەك ۇلى