استانادا مەكتەپ تاۋارلارىنىڭ جارمەڭكەلەرى وتەدى

استانا. قازاقپارات – 12-تامىزدان باستاپ استانادا مەكتەپ قۇرالدارىنىڭ جارمەڭكەلەرى وتەدى، دەپ حابارلايدى قازاقپارات ەلوردا اكىمدىگىنىڭ سايتىنا سىلتەمە جاساپ.

جارمەڭكەلەر ايدىڭ سوڭىنا دەيىن ءار سەنبى جانە جەكسەنبى كۇندەرى ءوتىپ تۇرادى: اتاپ ايتقاندا 12, 13, 19, 20, 26, 27 تامىزدا.

وتەتىن ورىندارى:

1) نۇرا اۋدانى، سيرك عيماراتى الدىنداعى تۇراق؛

2) بايقوڭىر اۋدانى، «ايماقتاۋ» ساۋدا ءۇيىنىڭ تۇراعى؛

3) سارىارقا اۋدانى، Demalys Promenade اللەياسى، قوسشىعۇل ۇلى كوشەسى، 14؛

4) ەسىل اۋدانى، بوتانيكالىق باقتىڭ تۇراعى؛

5) الماتى اۋدانى، ابىلاي حان داڭعىلى، 20ا.

جارمەڭكەگە وتاندىق تاۋار وندىرۋشىلەردى قاتىستىرۋ جوسپارلانعان. سونداي- اق جەرگىلىكتى شەبەرلەر مەن قولونەرشىلەر ءوز ءونىمىن ۇسىنادى دەپ كوزدەلگەن.

كاسىپكەرلەر تۇرعىندارعا قولايلى باعا ۇسىنۋ ءۇشىن ساۋدا ورىندارى تەگىن ۇسىنىلماق.